< Back to Transcripts

Vice President Leni Robredo’s Message at the Meeting with Philreca Conference Room, Royce Hotel, Clark, Pampanga

February 3, 2022
Clark, Pampanga
No items found.

VP LENI: Bago po ako magpatuloy, magbigay galang po sa mga kasama natin ngayong umaga dito sa harap, sa pangunguna po ng aking kaklase sa 16th Congress, Congressman Edgar Versozo, magandang umaga po. Magkasama po kami sa 16th Congress. At ‘yung aking pong mga laging sinasangguni, ‘yung tatlo nating mga congressmen. Siyempre, si Cong. Presley ng Philreca, Cong. Dagi ng APEC, saka si Cong. Fred, Cong. Fred ng Reco– Alam mo, alam ko Cong., lagi akong nahihirapan mag-pronounce, Recoboda. Paminsan nababaligtad ko eh, Cong. Fred ng Recoboda. Si Atty. Janeene, si Rey Villanueva, Aubrey, Ms. Aubrey Alimurung, si Allan, Allan Laniba, Virgilio Fortich, Jr., Atty. Danny Pandevilla, si Engr. Manuel Galarse, ayan si Engr. Manuel. Edmundo Pacamalan, Jr. Lahat pong mga general managers, board presidents, board of directors, department managers. Sa lahat ng mga member ng electric cooperatives dito ho kasi hindi ko kayo nakikita, mga member ng Philreca cooperatives ngayong umaga, magandang magandang umaga po muli sa inyong lahat.

Aaminin ko po, nagulat ako pagpasok, kasi nagte-textan lang po kami ni  Cong. Presley. Sabi niya, “Puwede ka ba sa February 3?” Ang sabi ko po sa kanya, “Cong., nasa Pampanga ako.” Sabi niya, “Puwede bang puntahan ka na lang namin sa Pampanga?” Akala ko po ‘yung dati lang namin na mga pag-uusap na kami-kami lang. Palibhasa po hindi ko nabasa ‘yung briefer na binigay sa akin, so akala ko tayo-tayo lang mag-uusap, ‘yun pala nandito kayo lahat. Kaya sobra [inaudible 2:07].

Pero bigyan ko lang po kayo ng konteksto. Malapit sa puso ko ‘yung electric cooperatives dahil ‘yung bunso kong kapatid, matagal na nagtrabaho sa Casureco II. Ngayon po ay, a few years ago, nag-migrate po silang pamilya sa Canada pero ‘yung kanyang pamilya sa amin sa Naga ay Casureco II talaga. And noong [inaudible 2:39]  Vice President ako, kabahagi ng aking mandato ay mag-handa pagdating sa policy. Lagi po kami nagpapa-briefing tungkol sa policy. Iba’t ibang larangan kabahagi na ‘yung energy. Ako magiging very honest ako sa inyo, na marami sa aming mga briefings parating pinag-uusapan ‘yung recommendation na i-privatize ang electric cooperatives. Ang gusto kong sabihin, papalitan. ‘Yung privatization ang parating explanation mas magiging efficient, mas—basta many other reasons. I’m sure you are well aware of that already.

Pero ako, ‘yung klase po ng pamumuno saka growth na pinaniniwalaan ko, ‘yung growth na nanggagaling sa ibaba. Meaning to say, kahit pa titignan natin na 'yung ating economic growth ay tumaas, ‘yung paniniwala ko hanggang maraming naiiwan sa baba, hindi parin tayo makaka-claim na naging maganda ‘yung growth para sa bansa natin. Marami pong mga ginagawa tayo, lahat papunta doon sa papaano ba mas mae-empower ‘yung mga pinaka stake holders. So ako, parang po sa akin ‘yung klase ng growth na tinitignan ko, hindi siya makikita sa numero lang pero makikita siya sa kung gaano ka-empowered ‘yung mga nasa pinaka naaapektuhan. Ito po, ang paniniwala ko ‘yung pagkakaroon natin ng electric cooperatives ay isa sa pinakamalaking mechanismo, pinakamalaking vehicle para ‘yung pinaka stakeholder sa energy sector ay merong boses. Dahil kung tutuusin, ito na lang yata ‘yung natitira na value na ang mag-aari ay nasa mga member consumers. Hindi ko po alam kung may napanood na kayo na mga speeches ko o may nabasa na kayong statements ko, at kahit Cong. na magkasama tayo sa Congress, noong magkasama po kami ni Cong. sa congress, isa sa mga panukalang batas na inihain ko ‘yung tinatawag na “Empowerment Bill”, na ‘yung panukalang batas pong 'yun, naglalayon na lahat ng nasa sektor, lahat ng ahensya ng pamahalaan—

[0:05:28]

VP LENI: –pati na mga LGUs ay magkaroon ng People’s Council o version nito. Para may mechanism na ‘yung pinaka stakeholder o pinaka beneficiary. Meron siyang platform para pinapakinggan siya bago gawin ‘yung mga policy. And ito pong grupo niyo, ito ‘yung platform na ‘yun pagdating sa energy sector.  Kaya ako po number one advocate ako na kailangan kayo ay– kinakailangan namin kayo na magsiguro na napapanilbihan natin ‘yung pinaka nasa malalayo. Ako po advocate na dapat ‘yung public utility gaya ng nagbibigay ng kuryente– nagdidistribute ng kuryente. Ako ‘yung advocate na hindi dapat ito profit-oriented. Kasi kapag naging profit-oriented ito, pag ginawa natin na ang primary motivation ay negosyo, kawawa ‘yung Rural Electrification Program natin. Kasi kapag nag cost-benefit na tayo, hindi na tayo pupunta sa pinakamalalayo kasi lugi na tayo.

Pero having said that, tingin ko din hindi pa natin nama-maximize to the best of our abilities  ‘yung lahat ng opportunities na available for us. Kaya meron sa ating mga nama-marginalize pa din. And the reason why I’m telling you this is–kinuwento ko na ito kay Cong. Presley–may mga lugar na pinupuntahan ako na meron pa ding mga attempt na i-ease out ‘yung mga electric coops. Pumunta ako sa Baguio merong issue. Pumunta ako sa Bacolod, hindi ko alam kung meron ditong mga taga Negros, meron ding issue. Ako, important first step na tatlo ‘yung ating partylist representatives ngayon, representing the industry. They need all the help they can get para ‘yung level of influence ay tumaas. Hindi para sa kapangyarihan pero para mas lumakas ‘yung boses ng mga adbokasiyang pinaglalaban natin.

Kaya ako po pag ako binigyan ng pagkakataong makapagsilbi, ang isa sa mga commitment ko sa inyo ay siguradong may mga representatives galing sa sektor ninyo na magiging bahagi ng energy family na lagi ang konsultahin. Panahon na. Ako po, kayo ‘yung pinakamalaking grupo at panahon na para ‘yung pinaglalaban niyo ay bigyan ng mas malakas na boses. Siyempre iba ‘yung nasa Kongreso kasi ano ‘yun, Legislative, pero iba din ‘yung sa Department of Energy kasi ‘yun ‘yung policymaking, ‘yun ‘yung magbibigay ng direksyon. Hindi lang po ito sa energy pero para sa lahat ng sektor ng pamahalaan, ito ‘yung magiging direksyon ng aking administrasyon, na sisiguruhin na ‘yung nasa pinakababa ay represented.  Dahil para po sa akin ang sukat lang kung tayo ay bumubuti bilang isang bansa, kung ‘yung mga naiiwan sa baba ay natutulungan natin na tumaas. Sa energy sector kayo ‘yung magpo-provide na ‘yun.

Marami pong mga controversies, at paminsan nadadala sa disinformation ang mga tao. Totoo na may mga electric cooperatives na may pinagdadaanan na problema at  kadalasan ‘yung problema hindi nanggagaling sa loob, pero ‘yung problema nanggagaling sa circumstances beyond the control of the electric cooperative. Alam natin ‘yun. Pero ang solusyon noon, hindi i-privatize. Ang solusyon noon tulungan para maging resilient, para po maging resilient sa ganitong mga threats.

‘Yung franchise kailangan ay hindi lang i-extend pero kailangan maging anchor siya. Maging anchor siya para lalong binigyan mo ng lakas ‘yung mga electric cooperatives para ayusin ‘yung kanyang sarili. Kasi mahirap kung meron pa tayong pangamba kung ma-eextend ba o hindi. Now, again, having said that, hindi naman po ito blanket na dahil in-extend natin ay magkakampante na lang tayo. Pero i-eextend natin para ito pa ‘yung magbigay sa atin ng enerhiya para lalong palakasin ‘yung ating ranks. Bakit mahalaga sa atin ito? Dahil maraming umaasa sa atin.

[0:10:52]

VP LENI: Ngayon lang pong Typhoon Odette, andami kong text kay Cong. Presley. ‘Yung Typhoon Odette, tumama ‘yung typhoon Odette noong December 16, December 17 ay nasa Bohol na ako, December 18 ay nasa Cebu na ako, December 19 ay nasa Surigao, Southern Leyte, at Dinagat Islands ako. Pare-pareho ‘yung problema at itong problemang ito, lahat kailangan ng tulong ninyo. Kaya gusto ko po kunin ‘yung pagkakataon na magpasalamat sa inyo. Magpasalamat sa inyo dahil kahit hindi niyo na problema ay nagpapadala kayo ng tao, nagpapadala kayo ng gamit at ano ‘yun ha over Christmas and New Year, talagang ‘yung sakripisyo grabe para lang makatulong sa iba.

Pero ito ‘yung beauty nito kasi imagine-nin niyo na negosyo ito. Imagine-nin niyo kung negosyo ito lahat, magtutulungan ba sila? Hindi eh, kasi cost na ‘yun sa kanila. Pero itong grupo niyo, dahil isa siyang samahan na parang pinagbubuklod ng adbokasiya ‘saka paniniwala, hindi nagkwekwenta. Di ba? Hindi nagkukuwenta. At sa akin po, mahalaga ito para masiguro natin na ‘yung pinaka nasa laylayan ay napagsisilbihan.

Itong darating na mga susunod na taon, malaki ‘yung pagsubok sa atin pagdating sa energy. ‘Yung energy supply, ‘yung energy cost, maraming kailangang asikasuhin. At kayo ay magpeplay ng very important role para sa pag-angat ng ating bayan. Kaya ko po sinasabi na very important role, kasi hindi naman ito– ako naniniwala ako na lahat ng problema hindi dapat trickle down ‘yung approach. Gustong sabihin ng trickle down approach, ‘yung Department of Energy o 'yung Presidente ang nagdedesisyon para sundin na lang sa inyo. Sa akin baliktad, ang paniniwala ko po–again hindi lang ito limited sa energy sector pero ang paninniwala ko lahat kayo bottom up. Magdedesisyon lang ang Presidente, magdedesisyon lang ang energy secretary pag pinakinggan na ang boses ninyo.

Kaya ito po, marami tayong problemang haharapin pero naniniwala ako na basta sama-sama tayo sa isang paniniwala, basta pinagbubuklod tayo ng iisang hangarin at ang hangarin na iyon ay kaayusan para sa ating bayan, ang hangarin na iyon ay pagbibigay serbisyo para sa ting mga kasama, kahit gaano man kahirap, kayang kaya natin itong harapin kasi magkakasama tayo.

Kaya ito po, maraming maraming salamat sa inyong suporta, maraming salamat po sa– hindi niyo siguro alam na ‘yung ating tatlong Congs dito–ano si Cong. Presley, si Cong. Dagi, si Cong Fred–ay lagi po naming iniistorbo kasi marami po kaming hindi alam tungkol sa energy sector, at kung mayroon po kaming mga tanong sila ‘yung aming phone a friend. Di ba? Pag merong kaming tanong, sila ‘yung tinatanungan namin kasi yung nga ‘yung paniniwala po namin na ang pinaka-efficient na pamamahala ay ‘yung pamamahalang ibinibigay ng kapangyarihan 'yung nasa ibaba. Kaya ito po ay malaking honor and privilege sa akin, na tinutulungan niyo ako sa laban na ito.

Siguro po panghuli na lang. Ang eleksyon pong darating ay napakahalaga. Napakahalaga siya kasi hindi lang po ito laban ng mga kandidato pero napakahalaga siya kasi ang pinagdedesisyunan natin kung anong landas na tatahakin ng ating bansa in the next six years. Ang pinipili po natin lahat ngayon, ano bang klaseng governance ang gusto antin? Ano bang klaseng pulitika ang gusto nating mamayani sa atin? Ako po ang pinaglalaban ko iyon. Ang pinaglalaban ko ‘yung klase ng pulitika na ang pinaka empowered ‘yung nasa ibaba, ang klase ng governance na matapat, at malinis, at maaasahan. Dahil kung wala pong ganoon na pagbabago wala po tayong ring asahan na pagbabago.

Kaya ito po, maraming salamat sa pagsama sa amin sa laban, mag-iingat po kayo lagi sa pagbalik niyo sa kanya-kanya niyong mga lugar. Sana mabisita ko kayo, nag promise po si Cong. Presley noong una pa, ilang buwan na ang nakaraan, sabi niya, i-aarrange ko, sasamahan kita pag-ikot, sisiguraduhin ko na lahat ng lugar na pupuntahan mo, mabibisita mo ‘yung mga electric cooperatives.So sisingilin kita Cong. pero looking forward ho to visit all of you sa kanya-kanya niyong lugar. Maraming salamat, mabuhay po kayong lahat.

[END]