< Back to Transcripts

Message of Vice President Leni Robredo at Sidlak: Negros Oriental People’s Rally, Dumaguete City, Negros Oriental

April 20, 2022
Dumaguete City, Negros Oriental
No items found.

VP LENI: Maraming salamat! Magandang gabi, Dumaguete! Magandang gabi, Negros Oriental! Pagod na ba kayo?

CROWD: Hindi!

VP LENI: Fake news 'yan. Gutom na ba kayo?

[crowd cheers]

Pero ilang oras na ba kayo naghihintay?

[crowd answers]

Grabe, nine hours? Bibilisan ko lang para hindi na kayo matagal na nakatayo. Pero 'yung tanong ko sa inyo: kanina pa kayo nakatayo, pagod na, mainit, gutom, nauuhaw pero ang taas pa din ng energy level niyo.

[crowd cheers]

At 'yung energy level na 'yan, sigurado akong dahil sa pagmamahal sa ating bayan. 'Yun 'yung nakikita natin ngayon. Ang mga tao, handang-handang magsakripisyo dahil alam niyo na napakahalaga ng eleksyon na ito. Ang eleksyon pong ito, hindi lang ito labanan naming mga kandidato. Pero ang eleksyon na ito, ang pagdedesisyon kung anong klaseng pamamahala, anong klaseng politika ang gusto natin sa bayan natin sa susunod na anim na taon. Kaya kayo tumataya, kaya kayo nagpapagod, kaya kayo nagsasakripisyo dahil alam niyo na 'yung kapangyarihan wala sa aming mga politiko, pero ang tunay na kapangyarihan nanggagaling sa nagkakaisang taumbayan.

[crowd cheers]

Kanina po naghihintay ako sa likod, pare-pareho 'yung tanong sa akin. Ang tanong sa akin: mahaba na 'yung araw mo, hindi ka pa ba napapagod? Ang parati ko pong sagot sa kanila: wala akong karapatan mapagod dahil kayo nga hindi napapagod.

[crowd cheers]

Ito 'yung tunay na pagmamahal, 'di ba? Ang tunay na pagmamahal hindi natin iniinda 'yung pagod, 'yung sakripisyo, basta alam natin ang pinaglalaban natin nasa tama.

Alam niyo, medyo mapalad kami dito sa Negros Oriental. Siguro napapanood niyo din 'yung mga rallies namin sa ibang lugar. Hindi madalas na may nag-eendorso sa amin na mga local officials. Pero dito sa Negros Oriental, nagpapasalamat tayo si Congresswoman Josy Limkaichong, napakinggan natin kanina. Si Mayor Ipe Remollo, napakinggan natin kanina. Kasama din natin dito sa stage si Vice Governor Mark Macias.

[crowd cheers]

Kanina, mag hapon, marami kaming kasamang mga mayors, mga vice mayors, mga councilors. Si Congressman Chiquiting Sagarbarria nandyan din sa likod. Pero itong mga kasama natin na mga local officials, kahit paminsan iba-iba 'yung kanilang political alignments, nagdesisyon na magsama-sama para ipaglaban ang ating bayan. Kaya maraming, maraming salamat po. Maraming salamat. Maraming salamat. Maraming salamat sa pagmamahal. Alam niyo po–

[crowd chants "Face mask off! Face mask off!"]

Hindi na, kasi bawal. Ito po, kailangan kasi maging good example tayo kasi meron ulit warning ngayon na baka magkaroon ng surge. Dapat tayong mga public officials laging nagbibigay ng good example.

Pero sa akin lang po, ramdam na ramdam ko ang pagmamahal, hindi lang ngayong gabi. Pero mula 2016, pinaparamdam niyo na sa akin 'yung inyong pagmamahal.

Gaya po ng sabi ni Mayor Ipe kanina, napakalaki ng pinanalo ko dito sa Negros Oriental. Hindi ko po kung alam ninyo na nagkaroon po ako ng kaso. Nagkaroon ako ng electoral protest na kasama pa po ang inyong lalawigan sa kaso. Meron pong akusasyon na nagkaroon daw ng dayaan dito sa inyo. Pero alam naman natin, ang mga taga Negros Oriental hindi naman mga mandaraya.

[crowd cheers]

At ito po, natapos din 'yung kaso. Pinanalo natin 'yung kaso by a unanimous decision by the Supreme Court. Nagpapakita na walang dayaan na nangyari.

Pero noong 2016, napakalaki ng pinanalo ko dito sa inyo dahil nagtiwala kayo sa akin. 'Yung pagtitiwalang 'yun, hindi niyo pa ako masyadong nakilala. Bago po akong salta sa politika, one term congresswoman palang ako. Sinipagan ko, kaya ng sabi ni Mayor Ipe, hindi ko binibilang 'yung taong kausap, kahit kaunti lang, pinupuntahan ko dahil nagpapakilala ako.

Ngayon po, nagpapasalamat ako sa inyo kasi kahit hindi niyo pa ako masyadong kilala noon, binigay niyo sa akin 'yung inyong tiwala. Kung hindi niyo po sa akin binigay 'yun, malamang hindi ako vice president ngayon.

[crowd cheers]

Pero ngayon, bumabalik ako sa inyo, malakas na 'yung loob ko. Malakas po 'yung loob kong humingi ulit ng tulong bilang kandidato sa pagka-pangulo dahil alam ko po na 'yung anim na taon na mandatong binigay niyo sa akin, nagtrabaho po ako ng tama.

Marahil hindi lahat nakakaalam na dito po sa lalawigan ninyo, pabalik-balik ako. Marami po kaming mga proyektong ginawa dito sa Negros Oriental. Karamihan po sa mga proyekto namin nasa malalayong mga munisipyo. Pinaka una pong munisipyong in-adopt ng aming Angat Buhay Program, ang bayan ng Zamboanguita.

[crowd cheers]

Meron ba ditong mga taga Zamboanguita? Ilang beses na akong pumunta sa inyo. 'Yun po 'yung paniniwala natin– Ano 'yun? Ano 'yun? Taga Zamboanguita kayo? Maraming salamat. Nandoon ba kayo tuwing pumupunta ako? Wala yata kayo eh. Wala kayo. Gumawa tayo– Kayo? Gumawa tayo ng eskwelahan doon, nagsimula tayo ng mga livelihood programs. Ito po, tuwing may sakuna, una kaming nandito sa inyo. In fact, pagkatapos po ng typhoon Odette, andito ako. Pumunta po ako sa Bais, pumunta ko sa Manjuyod.

[crowd cheers]

Karamihan sa ginagawa natin, maraming hindi nakakaalam kasi 'yung pag trabaho natin very, very quietly. Pero ngayon, sinasabi ko sa inyo dahil 'yun 'yung aking resibo. 'Yun 'yung aking resibo na sa anim na taon na binigay niyo sa akin, kahit walang eleksyon, andito ako, tumutulong sa inyo.

At kaya ko po siya sinasabi ngayon, dahil tuwing eleksyon maraming kandidatong manliligaw– nangangako. Nangangakong mamahalin kayo ng tunay. Maraming mga pangako, mga plataproma, mga programang ibibigay. Marahil ang iba sa kanila sinsero naman, pero ang dapat na tinatanong natin sa kanila: asaan kayo noong wala pang eleksyon?

[crowd cheers]

At 'yun 'yung dapat itanong natin sa kahit sinong kandidatong humihingi ng tulong sa atin. Na kung sinasabi niyong mahal niyo kami, papaano niyo pinakita ang pagmamahal ninyo noong hindi pa kayo kandidato? 'Di ba ang pagmamahal pinapakita sa gawa, hindi sa salita?

[crowd cheers]

Sinasabi ko po ito sa inyo dahil 'yun 'yung pangako namin sa inyo ni Senator Kiko at ang ating senatorial slate. Pag sinabi po nating "Gobyernong tapat."

CROWD: Angat Buhay Lahat!

VP LENI: Para umangat ang buhay ng lahat. Ang gustong sabihin noon: naniniwala po tayo na walang pagbabago, walang buhay na aangat pag ang gobyerno ninyo hindi tapat. Anong gustong sabihin ng gobyernong tapat? Ang mga lingkod bayan na matitino at mahuhusay.

Pag sinabi po naming ayaw namin ng korapsyon, mahaba po 'yung resibo namin. Ito pong magkakasama dito sa stage na mga senatorial candidates natin, si Vice President Kiko Pangilinan, may narinig na ba kayo na anumang kuwento ng anomaliya o korapsyon na nadikit sa pangalan nila? Wala.

Ako po, hindi naman sa pagbubuhat ng bangko, ang resibo po namin hindi lang kami 'yung nagsasabi pero COA mismo. Sa anim na taon na panunungkulan po namin bilang vice president, sunud-sunod na taon, nakukuha namin pinakamataas na COA audit rating. Pagpapatunay na pag nagsabi kaming ayaw namin sa korapsyon, hindi lang kami 'yung magsasabi noon, pero ang COA mismo ang nagpapatunay na ang pera ng taumbayan pinapangalagaan namin.

Bakit po mahalaga na ang pera ng taumbayan, pangalagaan? Dahil po pera 'yan ng taumbayan, kaya pag may nahulog pa sa korapsyon, imbes na pantulong na sa ating mga kababayan, napupunta pa sa bulsa ng mga hindi naman dapat mabigyan ng pera galing sa taumbayan.

Ang aming pong opisina, napakaliit lang ng budget. Pero ang tanong: Bakit marami kaming natutulungan? Marami po kaming natutulungan dahil wala sa aming pondo ang napupunta sa korapsyon. Ang kaunting meron kami, napapagkasya namin para po sa pantulong.

Pangalawa, dahil nakikita ng mga partners na maayos kaming gumastos, marami 'yung tumutulong sa amin. 'Yung amin pong Angat Buhay program, nagawa lang namin dahil maraming private organizations ang tumutulong sa amin.

At ito po 'yung klase ng pamahalaan na pinapangako namin sa inyo. Isang pamahalaan na magiging tapat sa serbisyo. Mga lingkod bayan na magiging matino at mahusay at maninilbihan sa inyo ng maayos. Alam ko po marami sa inyo ang nandito dahil uhaw na kayo sa ganoon na klaseng pamahalaan.

Ngayon po, kakaiba 'yung eleksyon na ito, ewan ko lang kung napapansin ninyo. Dati po 'yung mga eleksyon, lahat kandidato 'yung gumagawa. Pero ang kampanyang ito karamihan sa trabaho nasa inyong mga volunteers. Ito pong rally natin ngayong gabi, nagpapasalamat po tayo sa maraming grupong nagtulong-tulong para po mangyari itong rally natin at makaipon na ganito kadaming tao, galing dito sa Negros Oriental.

Nagpapasalamat po kami sa iba't ibang grupo. RPC Dumaguete, RPC Negros Oriental, Youth Advocate through Theatre Arts, maraming salamat. Kauban ni Leni ug Kiko sa Negros Oriental. Si Congresswoman Josy Limkaichong po 'yung ating provincial coordinator at ang team leader natin, Ms. Maribel Quimson. Ang Youth for Leni, maraming salamat sa inyo. Volunteers for Leni. Empowered Negros Island, maraming salamat. Robredoks Negros, nandiyan po sila sa likod, ang ating mga doktor. Cheerleaders for Leni, maraming salamat.

'Yung iba pong mga RPCs ng lahat na munisipyo dito sa Negros Oriental. Nagpapasalamat din po tayo kay Bishop Ito Cortez sa lahat na suporta. Nagpapasalamat tayo kay Aglipayan Bishop Felino Paguntalan. Nagpapasalamat po tayo kay Aglipayan Bishop [Allan Caparo 15:59]. Nagpapasalamat kami sa lahat sa inyo na tumatiyaga, nagtatrabaho, nagsasakripisyo.

Mula po bukas, 17 days na lang ang natitira para puwede tayong magkampanya. Alam ko po marami sa inyo nagho-house to house. Nag-umpisa tayo nagpapalugaw, maraming sakripisyong ginagawa. Ang pakiusap lang po natin, 17 days na lang, hirit pa 'yung lahat po natin na puwedeng gawin para mahikayat 'yung mga hindi pa natin kasama ngayon. Buksan po natin ang mga puso natin para mas maging--mas ma-embrace po natin lahat.

Ngayon marami sa inyo 'yung naka-pink, pero gusto nating iparamdam sa lahat na kahit hindi naka-pink, welcome pong sumama sa atin. Sabihin po natin dito sa atin, nagmamahalan tayo, nagbabayanihan tayo, masaya dito sa atin. Pag ako naman naging pangulo, hindi lang naman ako pangulo ng mga naka-pink pero pangulo ako ng lahat na kulay.

Kaya ang pakiusap ko po sa inyo, sana kayo ganoon din. Ang mamahalin natin hindi lang 'yung mga kapareho nating paniniwala, pero mahalin din po natin 'yung iba-ibang pinanggalingan, iba't ibang mga paniniwala, dahil at the end of the day, magkakapatid naman tayo. 'Yung kinabukasan ng bansa natin nakasalalay sa ating lahat.

Kaya ito po, ito 'yung tunay na pagkakaisa. Pagkakaisa na kahit iba-iba 'yung paniniwala, lahat handang magsama-sama dahil lang sa pagmamahal sa ating bayan. Kaya po maraming maraming salamat sa inyo. Mabuhay po kayong lahat, maraming salamat. [crowd cheers] Maraming salamat.

"Mga hindi susuko for Leni." "Campus journalists for Leni-Kiko." "Looking out for our future jowa." "I just want to ask VP Leni to be my president." "Birthday boy for Madam Leni," happy birthday! "Happy Birhday in advance VP Leni." "Boarders ni Lani for VP Leni." "Bais Youth for Leni." "Sibulan Youth for Leni-Kiko." "San Jose farmers for Leni-Kiko," magandang gabi po sa inyo. "Midterms week na, kaya sasama tayo sa matatalino." "Hindi nag-withdraw pero may resibo." "Para sa probinsya, mag Leni-Kiko na ta." "Future pharmicists for Leni-Kiko." "Gays for Leni." "Psych for Leni." "Solid Leni Pilipinas Negros Oriental."

"Crammers for Leni-Kiko." "Kung ang tambalang Leni-Kiko ay may chemistry, sana tayo rin." "Future engineers for Leni." "Dormers for Leni." "Student nurses for Leni." "Sa gobyernong tapat may reading comprehension lahat." "Abante babae, palaban presidente." "MassCom for Leni." "Naka-diaper sa rally for Leni." "Mga absent for Leni-Kiko." "Only weak and insecure men fear an empowered woman." "Para sa iyo ang boto ko." "Mga student nurses for Leni." "[Viente 20:38] cousins for Leni." "Anak ni Roel ug Vanessa for Leni-Kiko."

Akin ba ito? Maraming salamat! Maraming salamat, nako napaka-suwerte ko naman. Sa akin ba 'yan? Thank you, maraming salamat. Palagay naman ng pangalan mo. May mga pangalan ba kayo dito para makapag-pasalamat kami ng maayos. "Bakit ako sasama sa alok ng pagbangon, kung kaya ko naman tumindig ngayon." Ano 'yun? "The best man for the job is a woman."

Bago po ako magpaalam, ang akin pong pakiusap, hindi lang ako 'yung tutulungan pero ang ating Vice President, Kiko Pangilinan. Ang ating pong mga senatorial candidates, Attorney Sonny Matula. Attorney Alex Lacson, Congressman Teddy Baguilat, Senator Risa Hontiveros, Senator Leila De Lima, Senator Sonny Trillanes, Senator Dick Gordon.

Ayun, nagpapasalamat po ulit ako sa mga local officials na kasama po natin dito sa stage, Congresswoman Josy Limkaichong, Vice Governor Mark Macias, Mayor Ipe Remollo, 'yung lahat pong mga mayors saka iba pang mga local officials na kasama natin sa likod. Sa atin pong mga entertainers, maraming maraming salamat. Thank you po.

"La Sallians for Leni," maraming salamat. "Choose Leni and me." "Online teachers for Leni-Kiko." "President Leni, lead me to Doctor Tricia. VP Kiko, lead me to Donny." "Mga galing sa midterms for Leni-Kiko." "Mga galing gikan duty for Leni-Kiko." "Manjuyod for Leni-Kiko." Hindi ko nababasa 'yung iba kasi malayo. "Kulay rosas at lasang silvanas ang bukas." "Sillimanians for Leni-Kiko."

"Barangay Malabago for Leni Robredo, team hangos." "Hard pass sa dili pink." Ano 'yan? "Borahey Leni,” maraming salamat." "We need pink, we vote pink." "Zashians for Leni-Kiko." "Never settle for less dahil deserve mo ang the best, Leni-Kiko." "Kabataan ang magpapanalo kina Leni-Kiko." "Hindi ako bayaran, hindi rin ako aktibista, ako lang si Natoy na iboboto ka," maraming salamat Natoy.

"Bagay ang babae sa Malacañang." "Leni, lawyer, ekonomista, naninindigan, I love you Sen. Risa." "Norsunians for Leni." Ano ito? "Paglaum Negros Occidental." "Central babies for Leni." Ayun. "Ang kinabukasan ng May 9 ay 10. Number 10 Robredo, number 7 Pangilinan, number 21 Diokno," isama na din po 'yung lahat.

"Team LDR para Leni-Kiko." "Duma artists for Leni." "Mga emo for Leni." "Guwapo for Leni." "Norsunians for Leni." "Swifties for Leni." "Sa gobyernong tapat, ika-crush back lahat." "Bayouth for Leni." "Choose Leni and me." "Katusoks for Leni." "Bais Youth for Leni," nabasa ko na kanina. Ano 'yan? "Leni-Kiko. Leni my president. Kiko my vice president, pa-picture naman please." Maraming salamat. Ano ito? "Dararararyl, president ko si Leni baby." Maraming salamat.

Mabuhay po kayong lahat. Maraming maraming salamat!

[END 26:10]