< Back to Transcripts

Message of Vice President Leni Robredo at Anehan Na Naman!: Nueva Ecija Miting De Avance, Gapan City, Nueva Ecija

April 25, 2022
Gapan City, Nueva Ecija
No items found.

VP LENI: Magandang gabi, Gapan! Magandang gabi, Nueva Ecija! Ayun, bago po ako magpatuloy– gusto mo samahan ako dito sa taas? Gusto mo? Halika. Halika, halika. Ang laki mo na! Ayan, ayan dito ka lang sa tabi ko. Bago po ako magpatuloy, ang akin lang, oh awat muna, awat muna, oh mamaya, mamaya na tayo sisigaw ha? Para– mamaya na po, mamaya na, para magkarinigan tayo kasi kung nagsasalita ako at sumisigaw kayo, hindi tayo magkakarinigan.

Bago po ako magpatuloy, ang akin lang pong pagbigay galang sa mga opisyal na kasama po natin ngayon, siyempre po sa pangunguna ng ating Vice President, palakpakan po natin, Senator Kiko Pangilinan. Ang atin pong mga senatorial candidates, Senator Sonny Trillanes, Senator Leila De Lima, ayan, Senator— Hindi, tinitingnan ko kung sino nandito, Senator Risa Hontiveros, Senator Dick Gordon, Dean Chel Diokno, Congressman Teddy Baguilat, Attorney Alex Lacson, Attorney Sonny Matula. 'Yun.

Nagpapasalamat din po ako sa mga opisyal na nag-welcome po sa atin dito po sa Gapan, sa pangunguna po ng ating mayor, Mayor Emeng Pascual, Board Member Joy Pascual. Meron din po ditong mga former LGU officials, kasama po natin sa likod, former Congresswoman Megan Antonino-Nadres, former Mayor Christian Tinio ng Gapan, former Mayor Baby Congco ng Cabiao, former Mayor Marivic Belena ng San Jose.

Maraming salamat din po sa atin pong mga core members, Ms. Irma Cecilio, Team Leni Robredo Nueva Ecija, at ang atin pong Lead Convener, Father Arnold Abelardo, Mr. Barry De Jesus, General Eric Velasquez.

Ang atin din pong mga main organizers, sila 'yung mga wala pang tulog hanggang ngayon, palakpakan po natin Youth for Leni Gapan, sa pangunguna ni Jeric Uy, Mr. Vic Ferrer, ang atin pong provincial coordinator, Congresswoman Ging Suansing ng District 1, siya po 'yung ating coordinator, si former Mayor Marivic Belena ang ating coordinator for District 2, Mr. Dindo Berino, ang ating coordinator for District 3, at Mr. Eric Uy, ang ating coordinator for District 4.

Ayun, okay pa ba kayo? Hindi niyo naman sa akin sinabi, ang ganda pala ng Gapan. Alam niyo, pabalik-balik na ako sa Nueva Ecija, dinadaanan ko din 'yung Gapan pero ngayon lang 'yung pumasok talaga ako at nakita ko 'yung ganda ng lugar niyo. Napakasuwerte niyo naman. At– ano 'yun? Ayan, I love you din, maraming salamat, maraming salamat po. Maraming salamat. Mamaya ang picture kasi magsasalita pa, baka pag-uwi niyo sa bahay niyo tanungin kayo ng magulang niyo, anong sinabi ni VP Leni? Sasabihin niyo, wala naman siyang sinabi kasi nag-picture lang 'di ba? So, ilagay muna dito, mamaya na natin kukunin.

Pangalawang pagkakataon po ngayon na campaign period na bumalik kami dito sa inyo sa Nueva Ecija. Noong unang pagpunta namin dito, sinuyod natin 'yung iba't ibang mga bayan at nag-culminate 'yun sa isang malaking rally sa Cabanatuan. Naalala niyo ba 'yun? Naalala niyo. Sino 'yung mga nasa Cabanatuan rally natin dati? Ayun.

Ngayon naman pong araw, kaninang umaga iba-iba 'yung mga lakad namin, 'yung  iba sa amin pumunta ng San Jose. Ako po, nauna ako sa Sto. Domingo sa District 1, pagkagaling sa Sto.Domingo pumunta tayo sa Cabanatuan, pagkagaling sa Cabanatuan pumunta tayo sa San Isidro, pagkagaling sa San Isidro pumunta tayo sa Cabiao bago tayo dumating dito sa Gapan.

Pero bakit po ganito 'yung ginagawa natin? Hindi tayo nakukuntento na isang malaking rally lang, dahil po gusto namin sa inyong ipakita na pag tayo po 'yung nabigyang pagkakataon manilbihan ulit sa inyo, ito 'yung klaseng pamahalaan ang makikita niyo na gobyerno ang lumalapit sa tao. Na ang tao hindi siya mahihirapan na pansinin siya ng gobyerno kasi kami mismo ang pupunta dito para makinig sa inyo lahat. At ito po 'yung aming pinapangako sa inyo ni Senator Kiko: isang gobyernong tapat.

Noong tayo po ay nasa Cabanatuan, kwinento ko na sa inyo kung ano ang gustong sabihin ng gobyernong tapat. Ang sabi po natin, ang gobyernong tapat, isang pamahalaan na matitino at mahuhusay ang mga lingkod bayan. Pag matitino at mahuhusay ang mga lingkod bayan, napapangalagaan ang pera ng taumbayan. At pag napapangalagaan ang pera ng taumbayan, mas marami ang naitutulong sa ating mga nangangailangang mga kababayan.

Pinakita po namin 'yan sa Office of the Vice President. Kahit po kakaunti 'yung aming budget, marami po tayong proyektong naibaba dito sa Nueva Ecija. Halimbawa po, may dalawang ospital dito na binabaan natin ng pondo: 'yung Doctor Paulino J. Garcia Memorial Reaserch and Medical Center sa Cabanatuan, saka Talavera General Hospital. Nagbaba po tayo ng pondo para sa medical assistance para 'yung mga kababayan natin na kulang ang pambayad sa ospital, doon po sa pondo namin icha-charge para hindi nagiging sagabal 'yung kawalan ng pera para makatulong at mapagamot.

Hindi lang po itong medical assistance program ang binaba natin, marami din po tayong mga programa sa mga magsasaka. Marami po tayong mga programa na naitulong sa iba't ibang mga farmer groups dito sa Nueva Ecija. Marami po tayong mga sustainable livelihood and training programs na tinulong dito sa Gapan, sa Pantabangan, sa Rizal, sa San Antonio, saka sa San Isidro.

Sa Cabanatuan po, naglagay po tayo ng mga water pumps doon po sa Sama Badjao community, meron din po tayong Community Learning Hub sa Santa Rosa. Noong panahon po ng pandemic, nagbibigay po tayo ng mga PPE sets saka medical supplies sa 28 medical institutions dito sa Nueva Ecija.

Hindi lang po 'yun, 'yung pinagpapatahi po ng PPE sets, meron pong mga grupo ng mga kababaihan sa Nueva Ecija na sa kanila po tayo nagpapatahi at tayo din 'yung bumibili para ito 'yung pambigay natin sa mga medical institutions.

Pero bakit ko po ito sa inyo sinasabi? Sinasabi ko po ito sa inyo dahil kakaunti 'yung pondo namin pero marami kaming nagawa, ano pa kaya kung mas malaki 'yung mandato at pondong ibigay sa atin?

Alam ko po–alam ko marami tayo ngayong mga magsasaka, napaka hirap ang pagbuhay. Halimbawa na lang kanina, dalawa pong mga assembly kanina mga onion farmers. Ano, mga onion farmers nagsasabi, sobrang bagsak ng presyo ngayon ng sibuyas. Pero sobrang bagsak na nga ng presyo, napaka mahal pa ng abono.

'Yung mga rice farmers natin, 'yun din 'yung kanilang reklamo. Napakataas ng presyo ng abono, napakataas ng presyo ng diesel, pero bagsak naman ang presyo ng palay, ang dami pang mga importation na pumapasok. Ang amin pong mapapangako sa inyo, na bibigyan po nating priority 'yung mga magsasaka. Sisiguraduhin po natin na 'yung ating pondo sa agriculture madadagdagan, dodoblehin natin para 'yung cost of production ng ating mga magsasaka ay bumaba.

Bakit po kailangang bumaba ang cost of production? Para makapag kompetensya sila sa iba. Alam niyo po 'yung mga in-iimport natin mas mura kaysa sa produkto natin. Mas mura sila dahil marami silang tulong na nakukuha sa mga bansa nila.

Dapat ganoon din 'yung ibigay natin sa ating mga magsasaka. Siguraduhin po natin 'yung kanilang mga pangangailangan ay maibigay natin. Hindi lang ito irigasyon, hindi lang farm to market roads, pero pati po 'yung mga solar dryers, pati mga farm equipment, kailangan buhusan natin sila ng tulong dahil bawat pamilyang magsasaka tinutulungan natin, buong pamilya at komunidad 'yung ating matutulungan.

'Yung mga barangay officials po, kung meron po tayo ditong makakasamang mga barangay officials, sisiguraduhin po natin na papalakasin natin 'yung mga barangay. 'Yung term of office po ng barangay, dapat hindi three years, dapat po five years para hindi eleksyon ng eleksyon. Pag eleksyon ng eleksyon, magastos lang sa gobyerno. Kauupo pa lang, kakampanya nanaman.

Noong ako po member ng 16th Congress, nagpasa ako ng panukalang batas na dapat gawin nang five years 'yung term of office ng ating mga barangay officials, hindi lang po 'yun naipasa.

Pero ito po lahat, bakit ko sa inyo kinu-kuwento? Dahil po ito 'yung pinaka resibo na ang magiging focus po natin, pinaka nasa laylayan. Ang paniniwala natin, hindi tayo aabante bilang isang bansa kung merong mga naiiwan.

Pag-aralan niyo po 'yung mga proyekto namin, kahit pa po fine-fake news tayo. Ang fake news po masyado daw tayong elitista 'di ba? Nabasa niyo ba 'yun? Ang fake news masyado tayong elitista pero ano 'yung basehan na masyado tayong elitista? Tignan 'yung aming pagbuhay, napaka simple ng ating pagbuhay. Tignan 'yung ating mga proyekto, lahat ng proyekto natin para sa mga mahihirap. Kaya walang basehan 'yung pagsabi ng mga elitista.

Ako po masaya ako kasi kanina, kausap ko po 'yung mga volunteers, kausap ko 'yung mga kaparian, nagsasabi po silang sinisipagan namin 'yung pag house-to-house. Alam niyo kung bakit mahalaga 'yung pag sipag sa house-to-house? Kasi nabibigyan tayong pagkakataon, nakikipag-usap tao sa tao, puso sa puso. 'Yun 'yung pagkakataon natin para 'yung lahat na kasinungalingan, palitan natin ng katotohanan.

Nakakalungkot naman po kung ang eleksyon ang pagbabasehan kasinungalingan. Alam ko marami sa inyo, matagal nang nagsisipag. Mula pa po noong bagong announce tayo, meron sa inyong mga nagpapa-lugaw, ngayong nagha-house-to-house. Sana po hindi pa kayo magsawa, 14 days na lang. 14 days na lang, eleksyon na. Kaya pa ba? Kaya pang lumaban? Ang pinaglalaban po natin dito hindi lang Leni-Robredo saka Kiko Pangilinan, pero ang pinaglalaban natin dito ang ating minamahal na bayan.

Kaya po 'yung mga away away ng mga politiko, napakaliit na bagay ito. May mas malaking pangangailangan tayo. Ang mas malaking pangangailangan natin, kailangan tayo magkaisa para siguraduhin natin na pinaglalaban natin ang ating bayan. Ito po, last two weeks–parang last two minutes sa basketball 'di ba?

Alam niyo, kami ni Senator Kiko, nasa college po kami noong 1986. 'Yung 1986, ang nagsimula ng rebolusyon mga kabataan. Ngayon po, ang magsisimula ng pagbabago, mga kabataan din. Hindi po natin kailangan ng rebolusyon, ang kailangan lang natin 'wag nating sayangin ang pagkakataong bumoto ng tama.

Ang kapangyarihan po wala sa aming mga politiko, ang kapangyarihan nasa kamay ng bawat isa sa inyo. 'Wag po sana nating sasayangin. May 9, ano na ngayon? April 25, napaka-lapit na. Excited na po ako na makita kung papano ipaglalaban ng mga kabataan ang ating bayan.

Noong nasa Cabanatuan tayo, kinuwento ko sa inyo, grabe 'yung talo ko dito sa Nueva Ecija.

[crowd chants BABAWI KAMI]

May nakita ako ditong–may nakita ako ditong tarp kanina na Peñaranda, nasaan na 'yun? Nasaan 'yung Peñaranda tarp? Meron dito kanina, malaki, ayun. Alam niyo ba kung bakt hinahanap ko 'yung Peñaranda tarp? Sa Peñaranda lang yata ako nanalo noong 2016. Pero ngayon babawi kayo 'di ba?

[crowd chants]

Ayan, alam niyo malakas ang loob ko dahil alam ko, 'yung lahat na pera at makinarya, talong talo pag nagkakaisa ang taumbayan. Kaya po ilaban na natin itong huling dalawang linggo, ipanalo na natin ito. Maraming maraming salamat. Peñaranda, maraming salamat. Mga "Momshies for Leni-Kiko 2022." Ayan, "Solid Leni Pilipinas Nueva Ecija." Grabe naman ito, "Mga niloko ng ex for Leni."

Ayan, "The best man for the job is a woman." "VP Leni pa-hug naman po para sa lola kong hindi naabutan ng Rosas na bukas," mamaya po. Maraming salamat. "Girl boss wears heels," pero masakit sa paa. "Sa gobyernong tapat, papunta sa exciting part lahat." "Leni for President." "Kiko for Vice President. Kim Tae Hyung for me." "Happy Birthday Mama Leni, regalo namin sa iyo sa May 9 na lang." 'I just want to ask VP Leni to be our 17th President." "Anak ng nakikipag-bardagulan for Leni-Kiko." "Madam VP pa-hug po please," yes po maya-maya.

"Mga iyaking accountancy students for Leni." "You can't spell Philippines without LENI." "#LeniKiko2022." "VP Leni, araw-araw birthday mo kaya ito pop-up cake for you." Ikaw gumawa? Ang ganda, di ba? Salamat. Ay, sandali, sandali, baka masira. Ayan, di ba, tinyaga nila. Maraming salamat. "Para sa kinabukasan ng 17 na apo ko, Leni-Kiko ako." Maraming salamat, lola!

Ito, "Binigo man ako ng asawa ko, kay Leni-Kiko di ako mabibigo." "Akala ko sa good grades lang ako magke-crave. Sa pagkapangulo niyo rin pala. #GraduatingStudentsForLeni." "Future Lawyer for Leni." "[speaks in local dialect] ang pag-upo mo bilang pangulo, minamahal naming Leni Robredo." "Looking for jowang kakampink." "Sa gobyernong tapat, bawat pamilya ay aangat."

"Ano man ang kulay mo, titindig ako para sa iyo." True. Dito po, welcome ang lahat na kulay. "Mga palaging puyat for Leni." "Mga Marcos ang apelyido for Leni." "Mga natalo sa Kazuha Banner for Leni-Kiko." "Who run the world? Girls." Ayan, "Akbayan Partylist - 146." "L for Leo and L for Leni." "Presidente ng paaralan para sa Presidente ng sambayanan."

"A-attend ng sortie ni Leni pero di tatanggap ng money." "Birthday ko po today." Happy birthday! Halika, lapit ka dito. "Say the name, 17th President of the Philippines." Sinong gumawa? Ikaw? Halika, halika. Ayan, palakpakan naman natin, ang ganda ng creation niya. Maraming salamat. "Mga bading for Doc Tricia for Leni." "Research muna bago respect." "Madaming backlogs for Leni." "Graphic Designers for Leni-Kiko." "Mga nag half day for Leni." "Sharonians for Leni." Ano ito? "Sa trapo ka pa rin? Tara sa amin, presyong tropa ang salamin." "Si Josee lang ang tunay na tigre."

"Mga may ka talking stage, in Leni-Kiko we trust." "Ako si [Charlie Obispo] at ang presidente ko, si Leni Robredo." Ano 'yun? Nabasa ko– "Wala pang research title for Leni." Ayan, "Sa gobyernong tapat, it's the love shot." "Madam Leni, okay lang na mapagod kakatayo, basta sa Mayo ka uupo." "Hindi kami bayad." "Ma'am Leni, b-day din namin, April 23. Magpapa-picture kami." 'Yung mga may birthday, dito na kayo.

"Piliin mo si Leni tapos ako." "Andine buong pamilya ko para kay Leni-Kiko." "Mga torpe for Leni." "Abante, Babae." 'Yung mga magpapa-picture, lapit na po dito sa harap. Ano ito? "Kuntento na ako sa isa, kay VP Leni pa kaya?" "Lawyer. Economist. Nyaaa. I Miss You." "Pula man ang puso, rosas pa din ang pupusuan ko." "Biologist for Leni-Kiko." "Sana alak nalang ang shino-shot, hindi ang mahihirap."

"Anak ng marino for Leni." Priority natin ang mga marino natin. "Ate Shawie, pahiram muna ng manok mo for six years." "Mga may existential crisis for Leni." "Batch 2018, Class 2022 for Leni." [laughs] "Me, when I hear BBM. Me, when I hear Queen Leni." Ayan, "VP Leni, Senator Kiko, isang good luck lang po para sa final research defense." Good luck! "Ex-BBM for Leni." "Online seller for Leni-Kiko." "Magkasamang makikibaka para sa bukas na puno ng pag-asa." "Sa bawat Leni sa balota, dapat may Kiko na kasama." "May mga crush na BBM supporters for Leni." "VP Leni, hindi kita nakita sa [cab], puwede pa hug?" Lapit dito 'yung mga magpapa-picture, ha?

Ano ito? "Taong blue for Leni-Kiko 2022." "Happy birthday, Sexbomb Leni." Pambihira. "Mahilig mag peace sign for Leni." Mahilig din ako. Ano pa? "Agree ang Nueva Ecija kay Leni." "Swabbers for Leni-Kiko." Ayun, "Delikado ngayong second sem for Leni." "Ma'am Leni, kasama ko na mama ko ngayon." Oh, lapit kayo. "Solo parents for Leni." Ano 'yan? "Bully-hin man ng marami, kay VP Leni-Kiko kami." "Transparency? Only Leni."

"From second survey, to third woman President." "Lawyer. Ekonomista. Naninindigan. I love Jadine." "VP Leni, pa-pic po. Sa b-day ko May 15–" Ano 'yun? "Sulit ang extra rice, pero mas sulit pag si Leni-Kiko ang nanalo." Ayan, hindi ko po nababasa ang iba. Oh, ito. Dapat sabihin niyo, kumakanta kayo. "Beat him, Leni, one more time." Ayun.

"Hello, future Vice President Kiko." "Accountants for Leni-Kiko." "Mga na-red tag for Leni." "We love and support Leni-Kiko. Mula sa magsasaka ng Marawa, Jaen." Kumusta po kayo? "Magpapabudol sa merch ng [KBDB] pero hindi sa korap." "Tumakas sa sariling birthday for Leni." Ngayon ba birthday mo? Ngayon? Ayan. "Bisexuals for Leni-Kiko." "Sa unang boto ko, si Robredo ang pangulo ko." Sino ang mga first time voters? Huwag sayangin ang boto. "Solid Leni-Kiko kami." "VP Leni, papunta pa lang tayo sa exciting part." Ayan, "Ill-gotten wealth ang hukayin, hindi ang kabundukan namin." Maraming salamat sa inyo. Mabuhay po kayong lahat.

[END]