< Back to Transcripts

Message of Vice President Leni Robredo at Abante Norte for LeniKiko: 4th District People’s Rally, Bogo City, Cebu

April 21, 2022
Bogo City, Cebu
No items found.

VP LENI: Maayong udto, Cebu! Maayong udto, Bogo! Grabe ang tindi ng init ng araw pero napakainit pa din ng pagtanggap ninyo sa amin kaya maraming-maraming salamat. [crowd chants "Leni! Leni! Leni!”] Ayun, bago po ako magpatuloy ang akin pong pagbigay galang kay Vice Governor Junjun Davide. Magandang araw po kay Board Member Tining Martinez, ang ating Congressional Candidate. Of course, ang ating mahal na mayor, Mayor Carlo Martinez. Ang ating vice mayor, Vice Mayor Mayel Martinez, Councilor Marlito Oporto. Nandito din po ang aking kaibigan, Mayor Mariano Martinez ng San Remigio. Taga-San Remigio ba kayo? So, alam niyo na ilang beses na ko pabalik-balik sa inyo. [crowd chants "Leni! Leni! Leni!”]

Maraming salamat. Alam niyo, pangalawang ikot ko na ito sa Cebu ngayong kampanya. 'Yung una po naming ikot sa southern part kami ng Cebu pumunta. Pumunta po kami sa Argao. Pumunta kami sa Toledo. Pumunta kami sa Talisay. Natapos ito sa isang People's Rally sa Cebu City. Nangyari po ito noong February 24. Ngayon, April 21, balik na naman kami dito sa Cebu, sa northern part naman ng Cebu. Kanina pong maaga nandoon kami sa Bantayan, ngayon po nandito kami sa Bogo. Mamaya po meron tayong rally sa Danao. Meron tayong malaking People's Rally sa Mandaue. Pupunta pa ba kayo doon? Sabi ko pa naman talagang sasadya kami dito sa inyo para doon sa mga hindi makakapunta ng Mandaue at least man lang makita namin. [crowd chants "Leni! Leni! Leni!”]

Maraming salamat. Parang hindi tanghali, ano? Parang hindi kayo naiinitan. Pagkagaling po namin dito, bago kami dumiretso sa Danao, dadaan din po ako ng Tuburan saka Tabuelan dahil may mga project po kami doon. Pero bakit po namin ito ginagawa? Hindi kami nakukuntento na isang malakihang rally lang 'yung gagawin kasi 'yung malakihang rally okay lang 'yung doon sa kayang magbiyahe papuntang Cebu o Mandaue. Pero para sa inyong mga hindi na nakabiyahe, gusto din namin kayong makita. Kaya po 'yung Bantayan kanina kahit napakalayo ng Bantayan, pinuntahan pa din namin para makita namin sila.

Ito po 'yung klase ng pamamahala na pinapangako namin sa inyo. Pamamahala na hindi lang kami maghihintay sa Malacañang. Hindi lang kami pupunta sa mga sentro pero mas malayo 'yung lugar niyo, mas pupuntahan namin kayo dahil alam namin mas malayo 'yung lugar, mas mahirap puntahan, mas kailangan ang pamahalaan.

Dito po sa Cebu gaya ng sabi ko, pabalik-balik po kami dito dahil marami kaming Angat Buhay projects. Dito po sa Bogo, nagdala po tayo ng mga toilet sets para makatulong sa proyekto sa sanitation. Sa San Remigio, nagpatayo po tayo ng mental health facility at gumawa po tayo ng marami pang ibang mga programa. Sa Daanbantayan-  nakita ko po may mga taga-Daanbantayan doon. Marami po tayong mga iba't-ibang mga sustainable livelihood and training programs na ginawa doon sa inyo. Sa Dalaguete, meron din po tayong tulong sa mental health program doon. Sa Naga, nagpatayo po tayo ng Livelihood Center. Sa Carcar nagpatayo tayo ng Bagsakan Center.

Bawat bagyo nandito po kami sa inyo. In fact, noong Typhoon Odette, dalawang araw pagkatapos ng Typhoon Odette, nandito na po ako sa Cebu. Bawat bagyo, bawat sunog, nagkakaroon po tayo ng relief operations. Noong dumating po 'yung pandemic na grabe 'yung mga kaso dito sa Cebu, nagpababa po tayo ng permanent team dito. Naglagay po tayo ng mga shuttle buses. Nagbigay po tayo ng mga dormitories na libre para sa mga frontliners.

Marami po tayong ginawa pero bakit po ito sa inyo kinukuwento?  Dahil ang mga kandidato tuwing eleksyon pupunta, liligawan kayo, di ba? Liligawan kayo, hihingi ng tulong. Sasabihin sa inyo, "Mahal namin kayo." Ang dapat na tanong ninyo sa kanila, "Papaano niyo sa amin pinakita ang pagmamahal ninyo? Nasaan ba kayo noong wala pang eleksyon?"

Maraming kandidato magpapakita lang sa atin tuwing eleksyon dahil kailangan 'yung tulong natin. Pero ako po, mahaba 'yung resibo ko. Nakita ko din 'yung Tabuelan. Nandito ba 'yung mga taga-Tabuelan? Nagbigay po tayo ng ambulansya sa Tabuelan. Sa Tuburan, naglagay po tayo ng irrigation system para sa coffee farmers nila. Napakaraming programang binaba kahit kaunti lang 'yung pondo ng opisina namin. Mga ospital po dito binabaan natin ng pondo para 'yung mga kulang ng pambayad sa ospital, puwedeng i-charge sa aming opisina.

Pero bakit po namin kaya 'yun? Kaya po namin 'yun dahil pinapangalagaan namin ang pera ng taumbayan. Wala pong bahagi ng pondo natin na napupunta sa korapsyon. Pag sinabi ng kandidato sa inyong galit sila sa korapsyon, hanapan niyo po ng resibo. Madali lang ‘yun sabihin pero mahirap gawin. Sa amin po, ano ang resibo namin? Taon-taon, nakukuha po ng Office of the Vice President ang pinakamataas na COA audit rating. COA na mismo ang nagsasabi na napapangalagaan namin ang pera ng taumbayan. ‘Yun po ang gusto naming sabihin na pangako namin sa inyo, gobyernong tapat, para umangat ang buhay ng lahat. ‘Yung mga mangangako po sa inyo ng pagbabago, hindi ‘yun mangyayari kung ang gobyerno hindi magiging matapat. Dahil imbis na itulong sa mga mahihirap, pumupunta sa bulsa ng ilang mga lingkod bayan.

Kaya po ngayong tanghali, tumatiyaga kayo sa init. Nananghalian na ba kayo? Init, gutom, matagal nang nakatayo. Ang iba abonado pa pero nagsasakripisyo dahil pareho namin, gutom na gutom na tayo sa mabuting pamamahala. Ang eleksyon na ito ang pagkakataon natin baguhin ang direksyon ng ating pamahalaan, na ‘yung pera, hindi na napupunta sa iilan lamang, pero ‘yung pera ng taumbayan, mapupunta na dapat kung sino ang nangangailangan. Kaya po nagpapasalamat kami sa sakripisyo ninyo. Nagpapasalamat po kami sa pagtitiyaga ninyo. Kanina po, marami akong na-meet sa likod. ‘Yung mga tumutulong sa ating mga lakad, maraming salamat sa kanila. Hindi ko na po ito patatagalin kasi, kawawa niyo naman. Pareho ko siguro– siguro umitim na kayo ngayon. Umitim na? Pareho tayo. Ayan oh. Tignan niyo ‘yung mga– so maraming maraming salamat.

“Jungkook for Leni.” Maraming salamat. “Pink ang akong boto,” “Isang angkan for Leni,” “VP Leni, itaga mo sa bato, mananalo ka,” “Ang totoong hero, hindi nagwi-withdraw,” “We love you Leni and Kiko,” “Women pursuing careers in science for Leni,” “Strict ang parents for Leni,” “Ang cravings namo for today kay si VP mahimong presidente.” Ayan makinig kayo, “Oo, BBM ako. Baby mo, Leni-Kiko,” “VP Leni may malapit na ATM dito, samahan kitang mag-withdraw.” Ang problema wala nang laman ‘yung ATM ko. Ayan, “Happy birthday aming ilaw ng Pilipinas,” “At ngayong araw, April 21. Kami 21st wedding anniversary na.” Happy wedding anniversary! Ikaw ba ‘yun? Ikaw? Nasaan misis mo? Oy, happy anniversary. Taga-Bogo ba kayo? Taga-Bogo, nako. Twenty-first wedding anniversary ngayong April 21. “VP Leni, advanced happy birthday. Pa-hug please.” Sa Sabado pa po ‘yung birthday ko pero lapit kayo. “Sa gobyernong tapat, glow up lahat.” Salamat, salamat. “Ayaw sa mga kurakot sa munisipyo pero gustong papasukin sa palasyo,” “Buti pa ‘yung projects ni Leni, umaapaw. Ang tubig sa Tabobon hindi.” Aasikasuhin natin iyan. Aasikasuhin natin tubig, kuryente, internet connection.

Ito, sandali ha. Pakinggan natin ito, “Kulot man ang buhok ko, tuwid naman ang pag-pili ko kay Leni-Kiko,” “Mga mangingisda for Leni.” Maraming salamat. “Mga delikado ang grado kay Leni-Kiko,” Kumusta din sa mga taga-Medelin, San Remigio, maraming salamat. “Ang daming for Leni, wala bang for me,” “Tanggalin ang V sa VP Leni,” “No regrets in supporting Leni,” “Comm majors for Leni-Kiko,” “Kahit delikado ang grado, kay Robredo ang boto,” “Mga absent sa klase pero present sa rally.” Alam niyo, baka hindi ako iboto ng mga teacher niyo. “Sabay-sabay mga north, kay Leni-Kiko tayo,” Ayan, “Procrastinators man kami, on-time pa rin sa District rally,” Leni? Ay okay, bakit parang napipilitan ka lang? Ito, “Okay lang single forever basta matino, mahusay ang susunod na lider.” Maraming maraming salamat. Grabe na ang tindi ng init ng araw pero maraming salamat sa mga umitim ngayon. Mabuhay po kayo. Mahal po namin ang mga taga-Kwatro distrito.

[END]