< Back to Transcripts

Message of Vice President Leni Robredo Angat Buhay Zambo Norte Sunset Boulevard, Dipolog City, Zamboanga del Norte

May 4, 2022
Dipolog City, Zamboanga del Norte
No items found.

VP LENI: Maayong gabii Dipolog! Maayong gabii Zamboanga del Norte! Maraming salamat po– I love you too. Maraming salamat kay Mayor Dodoy Labadlabad sa napaka generous introduction sa atin. Maraming salamat din po sa ating mga kaibigan– ay sige. Ayan, maraming salamat din sa ating kaibigan, Congresswoman Glona Labadlabad ng Second District at Congressman Gani Amatong ng Third District. Maraming salamat din po sa susunod na Congressman ng Third District, Congressman Ian Amatong. Kasama din po natin si Mayor Junjun Uy ng Liloy. Salamat din po kanina kasama natin, Mayor Darel Uy ng Dipolog at Vice Mayor Velasco ng Dipolog.

Lahat pong mga local officials na kasama po natin ngayon at siyempre po 'yung ating mga organizers na nag-asikaso po ng preparations para sa rally po natin ngayong hapon, sa pangunguna po ng RPC Zamboanga del Norte, RobreDocs ng Zamboanga del Norte, One Zamboanga Norte for Leni. ZaNorte Cescod. Zamboanga del Norte Youth for Leni.

Alam ko din po  maraming dumayo galing sa iba't ibang mga bayan. Meron po ba ditong taga Dapitan? Meron ba ditong taga Katipunan? Meron bang taga Roxas? Meron bang taga Manukan? Meron bang taga Jose Dalman? Meron bang taga Sindangan? Meron bang taga Siayan? Taga Polanco? Ayan, Polanco for Leni. Meron bang taga Piñan? Merong taga Mutia? La Libertad? Sibutad? Sergio Osmeña?

Ano ''yun? Ano? Ano sabi niyo? Mamaya na, tapusin muna natin. Meron pa lang dayo dito galing sa ibang probinsya. Meron bang taga Baliguian? Godod? Gutalac? Kalawit? Labason? Leon Postigo? Liloy? Salug? Sibuco? Siocon? Sirawai? Tampilisan?

Meron ba ditong taga Dipolog? Akala niyo nakalimutan ko ano? Ayun, sabi nitong mga nasa harap, dayo sila galing Zamboanga del Sur. Ang layo naman ng pinanggalingan niyo. Ano 'yun? Lugaw? As in Leni Lugaw? Ano 'yun? Mamaya, mamaya.

Ayan, kung puwede lang baba muna natin 'yung mga placards para makakita 'yung mga nasa likod. Mamaya babasahin ko 'yan. Mamaya, mamaya, kukunin ko mamaya. Sige nga dalhin mo na  'yan dito para isuot ko. Ano ba 'yun? Mrs. Dipolog na ba ako?

[crowd chants]

Parang mahuhulog siya, bagay ba?

[crowd replies]

Alam niyo kung hindi pa nagkampanya, hindi ko pa matutupad 'yung pangarap kong maging beauty queen, maraming salamat sa pagkorona sa akin. Papahawak ko muna ha?

Ayan, alam niyo kauntin mensahe lang dahil mahalaga ito. Pagkatapos ng araw na ito, tatlong araw na lang 'yung natitira para puwede tayong mag kampanya. 'Yung pinaka una kong bisita dito sa Dipolog nang ako ay kandidato na, binisita ko 'yung ating campaign headquarters. Maraming salamat kay Congressman Gani Amatong sa pag pahiram sa atin ng ating headquarters. Maraming salamat din sa napakaraming volunteers na talagang nagpapagod para hindi lang magbantay sa headquarters pero napakaraming ginagawa.

Nag-umpisa  tayo sa mga lugawan, ngayon nandoon na tayo sa house-to-house. Alam niyo, kinukuwento ko doon sa mga kabataan nakausap ko kanina, first time kong nakita in a very long while na ganito ka-grabe 'yung volunteerism. At karamihan dito--karamihan dito talagang 'yung mga nagvo-volunteer mga kabataan. Kaming mga may edad na, kami na 'yung nasa sideline. Pero masayang masaya ako na 'yung mga kabataan talagang nagte-take part na sa laban na ito.

Naalala ko, noong 1986, noong bago nag-People Power Revolution, nasa college ako noon. Ganito din, kami ding mga kabataan 'yung malalakas 'yung loob para pumunta sa kalsada at labanan 'yung diktadurya. Akala ko pagkatapos noong People Power Revolution, okay na lahat. Pero nakikita natin ngayon, na  kahit sobrang haba noong panahon na naabuso 'yung ating bansa, parang balik nanaman tayo, lumalaban na naman tayo para sa ating bayan.

Pero gaya ng dati, ang pinaka nilalabanan natin ngayon, pagmamahal para sa ating bayan. At ito 'yung nagbibigay sa atin ng lakas ng loob. Alam ko po, hindi lang naman ako ang pinaglalaban natin dito. Hindi lang po si Senator Kiko ang ating VP. Hindi lang ang ating mga senatorial candidates. Pero alam na natin na napakalaki ang nakataya sa eleksyon na ito.

Ang pinagdedesisyunan po natin ngayon: ano ang mangyayari sa bansa natin sa susunod na anim na taon? Lahat po kaming mga kandidato, meron kaming mga plataporma. Ako po, ilang beses na namin ni Senator Kiko nasabi 'yung aming plataporma. Parati po naming inuulit, ang aming pangarap at ang aming plano. Hindi magiging hadlang ang kahirapan para 'yung mga kabataan natin, makakuha ng kalidad na edukasyon. Hindi magiging hadlang ang kahirapan para 'yung mga nagkakasakit, hindi natutulungan.

Dito lang po sa inyo, marami tayong pangarap na 'yung mga wala pang sariling bahay, magkaroon na ng sariling bahay. Marami po tayong pangarap na 'yung mga magsasaka at mangingisda, mabigyan ng maayos na kabuhayan. Marami po tayong pangarap na 'yung ating mga kababayan, makakuha noong de kalidad na trabaho. Pero lahat po kaming mga kandidato, mangangako na gagawin namin 'yun. Pero ito pong mga pangakong ito, wala itong saysay kung ang gobyerno hindi magiging matapat. Kaya po ang ating sinasabi lagi sa kampanya, gobyernong tapat--

CROWD: Angat buhay lahat.

VP LENI: Parra angat buhay lahat. Totoo po 'yun. Pinakita po namin sa Office of the Vice President na kahit kakaunti lang 'yung aming pondo, dahil pinapangalagaan namin ang pera ng taumbayan, nakakatulong po kami sa pinakamahihirap na mga lugar dito sa Pilipinas.

Noong ni-launch po namin 'yung aming Angat Buhay program noong 2016, pumili po kami ng pinakamahihirap na lugar dito sa ating bansa. Dito po sa Zamboanga del Norte, merong isang Angat Buhay area, at 'yun po 'yung bayan ng Siayan. Napakarami po nating programa ang binaba sa Siayan.

Ngayon po, ano 'yung isang problemang niresolba natin sa Siayan? Nakita po natin 'yung datos: napakataas ng dropout rate sa high school. At 'yung dahilan kung bakit mataas 'yung dropout rates, maraming mga bata ang kailangan maglakad nang napakalayo para lang makapag-aral.

Pinuntahan po natin 'yung pinakamalalayong lugar. Nakita natin mga estudyanteng naglalakad, tatlo, apat na oras, araw-araw, one way pa lang para makapag-aral. Ano po 'yung ginawa natin? Nagpatayo po tayo ng dalawang dormitory sa loob ng Siayan National High School. Ang dormitory po 'yun ang isa para sa mga lalaki, ang isa para sa mga babae, na 'yung mga malalayo 'yung tinitirhan, pwedeng tumira sa dormitory nang libre para hindi na sila naglalakad araw-araw.

Noong naglagay po tayo ng dormitory, mino-monitor po natin. Very dramatic 'yung pag-improve ng drop out rates dahil doon sa dormitory. Meron po tayong mga tulong sa feeding programs, sa mga magsasaka, sa mga education programs.

Bakit po natin 'yun ginagawa? Kasi gusto natin na 'yung mga hirap na hirap, maramdaman ang tulong ng gobyerno.

Alam niyo po, pangalawang beses na itong nag-rally tayo dito sa Zamboanga del Norte. Nandoon ba kayo noong unang rally? 'Yung March 25, nasa Sindangan tayo. Ngayon, bumalik tayo dito naman sa Dipolog. Binibiro ko po si Congressman Gani Amatong. Sabi ko, kulang na lang isang rally pa sa third District.

Pero, hindi ako iniimbitahan eh dahil malayo daw. Ang sabi ko po, lalong malayo, lalong gusto nating puntahan. Pero, bakit po ganito 'yung ating paniniwala? Ang paniniwala po natin, dapat 'yung gobyerno 'yung lumalapit sa tao.

Kanina po, kausap ko po si Congresswoman Glo. Kausap ko po si Congressman Ian saka si Mayor Junjun. Pinag-uusapan po natin, marami pang mga malalayong lugar ang kailangan lagyan ng kalsada. Marami pang mga malalayong lugar kailangan ng tulong. Ang pangako ko po sa kanila, pag ako naging pangulo, tututukan natin ang Zamboanga del Norte.

Parati po akong masayang bumalik dito sa inyo. Marami pa akong lugar na hindi napupuntahan dahil po noong panahon na vice president ako, 'yung Siayan 'yung binabalik balikan natin. Pag pumupunta po ako sa Siayan, kadalasan dito ako sa Dipolog natutulog. Pero pag pangulo na ako, ang akin pong pangako– Mas maraming lugar 'yung pupuntahan, mas mahirap lalo natin bababaran ng oras."

Kanina po, kinikwentuhan ako nina Congressman Ian saka ni na Mayor Junjujn na, halimbawa, ‘yung Third District, marami pa ding tulong na kinakailangan. 'Yung ibang distrito, maraming tulong na kinakailangan. Ito po 'yung aking pangako sa inyo.

Papaano niyo malalaman na gagawin ko ang pangako ko? Dahil lahat naman ng politiko nangangako. Tingnan niyo po ang aking track record. Ang track record ko po, hindi naman sa pag-aakyat ng aking sariling bangko, pero ang track record ko po, anim na taon ako nag-vice president, halos lahat na oras, nakababad ako sa mga komunidad.

Bakit po mahalaga 'yun sa isang lingkod-bayan? Mahalaga po 'yun kasi mararamdaman lang namin 'yung pangangailangan kung kami mismo ang naandon dahil mararamdaman namin 'yung mga kahirapan na pinagdadaanan ninyo. Ito po 'yung mga hindi mararamdaman kung report lang ng aming mga opisina 'yung babasahin namin.

'Yung mga nagfa-follow sa akin sa Facebook, meron ba ako ditong Facebook friends? Nakikita niyo naman di ba? Nakikita niyo na kung saan saan kami. Kanina nga pong umaga, gumising ako nasa Bacolod ako, ngayong araw nandoon ako sa Lanao del Norte, ngayong hapon nandito na ako sa inyo sa Dipolog. Bukas, nandoon ako sa Cagayan de Oro sa araw tapos lilipat– pupunta pa ako sa Ozamis saka sa Oroquieta. Tapos pag gabi, pupunta kami sa Prosperidad Agusan del Sur.

Ganito po 'yung ating paniniwala. Kung lingkod bayan ka, kailangan lahat na oras ginugugol mo para makapag silbi sa inyong mga sinasakupan. Hindi ko po ito ginagawa dahil kampanya lang. Tingnan niyo  po 'yung aming track record. May eleksyon o wala, ganito kami kasipag. May eleksyon o wala, tumutulong kami lagi. Pag meron pong mga sakuna, nandiyan kami. Pag meron pong kahirapan, nandiyan kami. Sa mga lugar na laging binabagyo, nililindol, nandiyan kami.

Noong pandemic po, napakaraming mga medical institutions ang atin pong tinulungan dito sa Zamboanga del Norte. Ganoon po dapat ang gobyerno. Kung saan ka kailangan, naandoon ka. Dapat po kaming mga lingkod bayan, hindi niyo lang pinapanood sa tv. Dapat po kaming mga lingkod bayan, hindi niyo lang nakikita sa Facebook o sa Tiktok o sa Youtube. Dapat kaming mga lingkod bayan nakikita niyo ng personal, nahahawakan niyo, nakakausap niyo, at nararamdaman niyo na pareho lang kami sa inyo.

Kasi kung iba po 'yung pakiramdam niyo, hindi kami makakapag silbi ng tunay. Dahil masyadong kumportable ang mga buhay namin, hindi namin alam na nahihirapan pala 'yung ating mga kababayan. Kaya ito po masayang masaya ako, nabigla po ako kasi hanggang sa pinakadulo may tao. Maraming salamat sa inyo. Alam ko– alam ko po kung gaano kahirap pumunta dito dahil ang lalayo ng ibang mga bayan. Pero andito padin kayo kaya maraming maraming salamat po sa inyo.

Kay Mayor Dodoy saka kay Congresswoman Glona, maraming salamat po. Kay Congressman Gani, Congressman Ian, kay Mayor Junjun, maraming salamat. Sa lahat pong mga local officials na talaga namang grabe 'yung suporta at tulong para magawa natin ito, maraming maraming salamat po.

Ang amin pong paghingi ng tulong– ano ngayon? Miyerkules na ba ngayon? Miyerkules na ngayon, sa Lunes ay boboto na po tayo. Hindi pa, kasi magbibilangan pa.

[crowd cheers]

Ang akin lang pong pakiusap– Maraming salamat! Ang akin lang pakiusap, sana po ang pag desisyon natin isip at puso ang gagamitin. Hindi lang dahil sinabi ng ating mga public officials. Alam ko susunod ang marami sa inyo sa public officials. Pero alamin po natin, ano ba ang aming mga pinapaniwalaan, ano ba ang aming track record. Huwag lang po tayong magpapabudol kasi maraming fake news. Kaya po tayo nagha-house to house para palitan natin ng katotohanan ang lahat na kasinungalingan.

Ang hinihingi ko pong tulong, hindi lang para sa akin, pero sa bawat Lening bobotohan natin, siguraduhin po nating ang VP natin Kiko Pangilinan. At siguraduhin po natin na ang ating mga senatorial slate ay isasama niyo. Kasi kung hindi niyo sila isasama, kahit manalo ako, mahihirapan ako. Kasama po natin Senator Leila de Lima, Dean Chel Diokno, Senator Risa Hontiveros, Senator Sonny Trillanes, Congressman Teddy Baguilat, Attorney Alex Lacson, Attorney Sonny Matula, Senator Dick Gordon. Hihingiin po namin ang inyong matamis na oo. At ang amin pong isusukli sa inyo, isang malinis, mahusay, at matapat na pamamahala. Maraming salamat po.

Nandito, "Si Kiko dapat," tama. "Willing makipag debate for Leni," "Mga tambak ang modules for Leni-Kiko" "Mga stressed sa Acads for Leni-Kiko," "Mga pasado sa second sem for Leni-Kiko," "Sa gobyernong tapat, mag i-intern lahat," "[Padayaw 23:18] family for Leni-Kiko," "Equalizers for Leni-Kiko," "Mga di pa tapos sa modules for Leni," "Sa gobyernong tapat, papunta pa lang tayo sa exciting part," maraming salamat.

"Bunsong anak, tulad ni Jillian, for Leni-Kiko." Oh, ito naman, "May ka-fling na BBM supporter for Leni," dapat by Mondav, na-convert mo na si ka-fling. "MedTech interns for Leni," "Di na kami mag sa-sana all, nasa rally na kami," "Blinks for Leni," "Third time's a charm. VP, pa selfie and pa-hug," mamaya.

"Panatang makabayan, iniibig ko ang PIlipinas, Leni, ibig ko sa Pilipinas," "Nag wish po ako noong aking 10th birthday na si PNoy ang mananalo at ito ay natupad. Ang wish ko naman ngayon sa aking 22nd birthday na sana manalo po si VP Leni bilang Pangulo sa darating na halalan. Kung sino man ang aking susuportahan at iboboto sa darating na May 9 ay mananalo dahil kaarawan ko ito," happy birthday.

"Kikilos kontra krimen, katiwalian, korapsyon, karahasan at kahirapan. My VP is Kiko Pangilinan." "Kung ngayon mataas ang sariling survey ratings nila, na parang mga tala na mahirap abutin, sa araw ng eleksyon, aming sisiguraduhin na luluhod ang mga tala."

Ito ha? Ito lang sasabihin ko sa inyo, pag tiningnan natin ang kasaysayan, ang walang sinabi ang pera at makinarya sa nagkakaisang lakas ng taumbayan. "Sharonians here for Leni-Kiko," ayan Frankie, sabihin mo kay mama mo. "Gumamit ako ng perfect white at brilliant skin upang gumanda ako. Pag Leni Kiko nanalo, mas gaganda pa ang buhay ko." "Nakakaproud pong suportahan pag ang kandidato walang bahid ng katiwalian." "Huwag puro Facebook at Youtube, check. Matuto rin mag fact check." Salamat, maraming salamat.

"Mga na stranded for Leni-Kiko." "From STEM to Steamed students for Leni-Kiko." "Mula noon hanggang dulo, pamilya ko para kay Leni." "Yes to Fenk, No to Fake." "Sa gobyernong tapat, makakapasa ng quali lahat." "Minors for Leni." "Future CPAs for Leni-Kiko." "Campus Journalists for Leni-Kiko." "Buong angkan versus me for Leni-Kiko." "Di ka–" Ano ito? Ah, "Di ka i-k bye ni Leni at Kiko." "The future is ours - Only The Young - Taylor Swift, The future is ours.” Mga swifties ba kayo? Ako din.

[crowd cheers]

"End tyranny with Leni." "Sa gobyernong tapat, luluhod pa rin kay Taehyung lahat." Uy, ang ganda naman niyan. Sinong gumawa? Ikaw gumawa? Ang ganda ko naman– Ako ba 'yan? Ang ganda ko– Ilagay mo pangalan mo, para kilala kita. "We are support–" Ah, "Leni-Kiko, we are Deaf Ministry Dipolog." Mahal po namin kayo. "[Good Malin? 0:28:03] Family for Leni-Kiko."

"May research defense bukas for Leni. Rally now, research later." Uwi ka na, baka hindi ka pumasa. "VP Leni, pa-shoutout po sa lahat ng medtech sa CCAH. Kami ang bahala sayo sa Mayo 9." Hello po sa mga med tech natin. "Hindi takot sa deadline for Leni." "I just wanna ask VP Leni to be my president, yes or yes?" "Mga [kandingon? 0:28:41] for Leni-Kiko." "Pa-pic po, VP Leni. Ganda niyo po." Lapit kayo dito.

Ang ganda, di ba? Ang gumawa si [Halel Tabada? 0:28:57]. Sobrang ganda, sobrang ganda. Thank you. Pahawak muna. Sorry, ang lakas kasi ng ilaw dito. "Engineering students for Leni-Kiko." "Liwanag sa Dilim." "Let Leni Lead me to my crush na kakampink." "We are deaf but our hearts are shouting for Leni." "Wala lang, placard lang." "No news, still you sa halalan 2022." "Iskolar ng Bayan for Leni-Kiko."

"Mga–" Ah, "Mga nagbabayad ng tax for Leni-Kiko." [laughs] Sana all, 'no? "Future pharmacist for Leni." Oh, meron ako ditong kumare. Meron akong kumare. "Mads Leonor, tara, shot. Balita ko madami kang ambag." Magta-tara shot tayo pag panalo na tayo.

"Potterheads for Leni." “Procrastinators for Leni." "Alipin ng mga papel for Leni." "Manukan for Leni." "Humanista for Leni." Patulong lang. Ayun oh, malayo. Mamaya. Ano ito? "Team DTC - Dipolog [speaks in local dialect  0:30:40 - 0:30:42] sa May 9, Leni-Kiko ang botohan."

Puwedeng paayos– Hindi ko nababasa sa taas. Hindi, 'yung sa taas. Sorry ah, ang nababasa ko lang, "Pero ako, main pop girls for Leni." Nahahalata tuloy na matanda na tayo. "Puwede po pa-picture? Para resibo sa mga fisherfolk at farmers." Magpapa-picture tayo, nasaan ka [Lizette 0:31:18]? Ayan. Ayan, ayan. Nasaan 'yung camera mo? Ayan nalang, sige. Pahiram mo sa kanya. Unahin lang natin si [Lizette 0:31:29].

Okay, "Social Work Interns for Leni." Nasaan na si Cong. Ian? Meron dito, "Cong. Ian's classmate for Leni-Kiko." Nandiyan si Cong. Ian sa likod.

"Lugawing 17th President yarn?" "Angat PPop. PPop Stans for Leni-Kiko." "Sabay-sabay, Leni gonna go up." Salamat! Nandito pangalan mo? Nandito? Salamat po. "Mga [kapayason 0:32:23] for VP Leni." "Marketers for Leni." "Silimanians for Leni." "Okay na 'yung na-broken ako noong–" Uy, may hugot oh. Pakinggan niyo. "Okay na 'yung na-broken ako noong October 9, huwag lang sa darating na May 9."

"VP Leni, [speaks in local dialect 0:32:51 - 0:32:58]." "Graduating students for Leni." "Kung si Belle Mariano ay may Donny Pangilinan, ang Pilipinas naman ay may kakampink sa kadiliman." Okay, "[speaks in local dialect 0:33:21 - 0:33:24]." "Studentist for Leni-Kiko."

Oh, ito. "Niloloko na tayo ng harap-harapan, iniba-iba na nila ang kuwento ng nakaraan, ang aming tanging paraan, Leni-Kiko ang iboto at ipaglaban." "Mahal ko ang bayan ko kaya Leni-Kiko ang iboboto ko." "VP Leni, paranas ulit ng yakap ng isang nanay. Nag-iisa nalang ako, pero ang boto ko ay para sa iyo." Lapit ka dito mamaya. "Mga hindi nakaka move-on sa ex for Leni." Sino kaya 'yung mga members dito niyan. "LF: kakampink na jowa." Sino gusto mag-apply? Salamat.

Nandito – ay lagay mo pangalan mo darling. Meron? Ayan. Maraming salamat. “Salamat for fighting for us, sa future namin na kulay rosas.” “Ikaw ang nagiisang tiyak sa libo-libong duda.” “Delikado ang grado pero Robredo ang boto.” “Hindi ako Ben and Ben pero paninindigan ko ang Leni-Kiko.” “Mga kakampinks, the odds are against us, this won’t be easy, but we’re not going to do it alone.” Tama. Laban lang nang laban, walang imposible.

“Pa-picture po sa 17th President,” ‘yung mga magpapa-picture, lapit na lang po dito. “Zambo Norte Armys for Leni-Kiko.” “Sa gobyernong tapat, in good place lahat,” sali natin si Kim Chiu. “Leni is our future, be one of us.” “Dipolog is pink.” Ano ito? “Stop Leni bakay, I love you Leni-Kiko.” Salamat. Nandito name mo? Salamat. Thank you, thank you. “Couples for Leni,” asaan ang ka-couple mo? Wow. Sana all.

“Ang daming for Leni, wala bang for me?” huwag kang tatabi diyan, lalo kang maiinggit. “Totoong pag-asa, hindi pang-uuto.” “May mga final exams this week for Leni-Kiko.” “Screaming, crying, and throwing up - Mga may pre-elections anxieties for Leni,” chill lang. Chill lang. Huwag tayong maging anxious. Basta gawin natin ang lahat. “Rakista metal head for Leni-Kiko. Pa-picture, all right! Rock and roll.” Mamaya.

Sa akin na ba ito? Ang ganda. Thank you. Galing kay Renz Nathaniel Luyao. Thank you. “Sa gobyernong tapat–” ano ito? “–lam-ig lawas lahat.” “Mga tahimik lang for Leni.” Ano ito, “Leni pang long-neck lang gud,” pagka-panalo na natin. “Pink na pangulo.” “Leni and Kiko for the win from Liloyans.”

“LGBTQIA+ for Leni.” “Kay Leni hindi lang tahanan ang maiilawan, kundi buong bayan.” “We, STEM students–” ano ito? “We love you – STEM students for Leni.” “Young artists for Leni,” “Psychs for Leni-Kiko,” “Bluemic players for Leni,” “Kapag inggit, pink-it.”

“Student nurses na delikado ang grades for Leni-Kiko.” “Hindi pa man maka-boto pero tiwala kami na ang kinabukasan ay kulay rosas dahil kay Leni-Kiko.” “Teachers for Leni.” “Future RNs for Leni-Kiko.” “Future social workers for Leni-Kiko.” Bakit ang mga taga Zambo Norte mahilig uminom? Ito, “Pink for pink gin,” kapag nanalo na tayo, babalik ako dito, mag-iinuman tayo. Pero ngayon, huwag muna. Saka dapat ‘yung mga umiinom, mga hinay-hinay lang ha. Huwag sobra.

“Si Leni ang tunay na titanium.” “ESL teacher for Leni.” “Mga monthsary date sa rally ni Leni,” sino ang ka-monthsary mo? Nandiyan? “Nursing students for Leni.” “Gorgeous gorgeous girls prefer a woman with a degree.” “Bumoto ng tama para sa aming mga bata.” “My president slays.” “Leni supporters for Leni.” “Leni see you in Malacañang.” “Mga biktima–” hindi ko nababasa, sorry. “JRMSU kakampinks.” Sorry, patulong ako, patulong.

Ah, may hugot. “Mga biktima ng mixed signals for Leni.” Ano ito? SIOkits o SIO kits? “Stays for Leni,” “Gobyernong tapat,” hindi ko nababasa, sorry ha. “Ka-gwapa ba.” “Okay lang ma-ghost ni Jaehyung, huwag lang ni Leni.” “Wattpad authors for Leni,” “KPOP stans for Leni.” “Tambulig youth for Leni.” “From Iloilo to Dipolog for Leni,” hindi ka pa ba nagsasawa?

“Pa-pic VP, para sa kuya kong BBM,” halika na. “Team off course for Leni.” “Jona and Inday for Leni.” “PhiSci for Leni-Kiko.” “Sibuyas man kami sa inyong paningin, hindi naman kami nagigisa sa usapang bayarin.” Oh, talagang pinag-paguran ito. “I just want to ask Leni-Kiko, tuloy na ba nating itong six years?” [reads placard in local dialect, 40:51-40:55].


“Mga hindi pa tapos sa modules.” “Student of History for Leni.” “Gobyernong tapat.” “Truth, excellence, and service to the nation.” “Teachers for Leni.” “Most honest, most competent, perfect attendance, VP Leni and Sen. Kiko.” “Hindi ko man abot ang inyong kamay pero dama ko ang inyong puso at gabay.” “Tamsi for Leni.” “Mga hindi dapat sinayang: Leni, Kiko, Diokno, ako.” [reads placard in local dialect 41:29-41:41].

Alam niyo sa Bicol kung anong gustong sabihin ng daog? Baliktad, talo. Kaya ‘yung una kong narinig na daog na, daog na, natakot ako. Kasi sa amin ang daog na, talo na. Sa bisaya pala ay baliktad. “Basta real from the heart, solid Leni-Kiko.” “Gobyernong tapat–” hindi ko nababasa, sorry.

“May comfort–” sorry, nahihirapan akong magbasa noong iba. “Psych for Leni-Kiko.” “Mga walay ikaan self sa oral for Leni,” tatapusin na natin ito para mag-aral na kayo. “Dapitanon for Leni,” “Pa-hug,” opo. Ayan, “Hindi kami bayaran, tumitindig kami para sa aming kinabukasan.” Sabi ko na ‘yung long neck, kapag nanalo na tayo. Maraming maraming salamat po. Mabuhay po kayong lahat. Mag-iingat kayo lagi. Ilang tulog na lang, May 9 na. Gamitin ang utak at puso. At isipin ang ating boto ay para sa ating bansa.

[END]