< Back to Transcripts

Message and Dialogue with Vice President Leni Robredo and Senator Kiko Pangilinan Robredo People’s Council NCR

January 19, 2022
NCR
No items found.

SEN. KIKO PANGILINAN: Maraming maraming salamat, Maybelyn; kay Judy; of course, kay Congresswoman Sandy Ocampo, na matagal na rin nating nakasama’t nakatrabaho; kay President Leni na narito rin ngayon, magandang hapon. Sa ating mga mayor na narito ngayon, nandiyan si Mayor Fresnedi ng Muntinlupa, Mayor Oreta, at syempre, at ang RPC - Robredo People’s Council sa [inaudible 00:34] sa Maynila, magandang hapon sa kanilang lahat.

Napakahalaga, very inspiring ang nabanggit sa atin ni Congresswoman Sandy. Mahalaga at kritikal ang NCR, ang Maynila sa ating laban. Gaya nga ng nabanggit kanina, 7.4 million ang botante ng Metro Manila. Halos isang milyon ang botante ng Maynila. At marami rito, ay naniniwala ako, makukumbinse pa natin na pumanig sa atin. Lahat ng mga na– nangunguna noong nakaraang mga halalang pambansa, sa Presidente at Bise Presidente mula 2004 hanggang 2016, ‘yung mga nangunguna ay hindi nagwagi. ‘Yung mga nasa huli, ‘yun ang mga sa huling banda sa araw ng halalan ang pinili ng ating mga kababayan. Ang ibig sabihin noon ay maari pang magbago ang isip ng ating mga kababayan. At magbabago lamang ang isip nila kung tayo mismo ay kumukumbinsi, kung tayo mismo ay nakikiusap, kung tayo mismo ay pinapaabot sa kanila ang katotohanan.

At speaking of katotohanan, ito ang kinakailangang malaman ng ating mga kababayan: We are facing the worst economic crisis in 40 years. We are facing the worst health crisis in 100 years. Dapang-dapa ang ating bansa sa usapin ng ekonomiya. At sa loob nitong krisis na ito, nakita natin noong tayo ay hiniling ni Vice President Leni na siya– na maging ka-tandem niya bilang Vice President, tinanggap natin dahil naniniwala tayo, among all those who are vying for the– for the presidency, Vice President Leni is the most qualified, is the most deserving, and has shown, sabi nga nila, ang tunay na pagkatao ay nakikita sa panahon ng krisis. Dito patong-patong na krisis, pero patong-patong din ang resulta sa trabaho at sa paglilingkod-bayan ni Vice President Leni. She is the leader we need to face this crisis that we are now curre– unprecedented crisis we are now facing.

Hamon din sa bawat isa. Dadating ang araw tatanungin tayo ng ating mga anak, ng ating mga apo: Noong panahon na pinakamatinding krisis sa ating bansa, ano’ng ginagawa natin? At ayoko naman sagutin ‘yung aking anak at apo, na noong ako’y hiniling ni Vice President Leni na tulungan siya para maharap ang krisis na ito nang maayos, tinanggihan ko. Kasama sa ‘yun sa ating pasya, tinanggap natin ang hamon. Kayo rin tatanungin, kayo rin mahuhusgahan ng kasaysayan. At alam ko, dahil narito kayo ngayon, ay ang magiging sagot ninyo: Nanindigan tayo, tumaya tayo, kumilos tayo sa panahon ng krisis. Hindi natin tinalikuran ang hamon dahil mahal natin ang ating mga anak. Mahal natin ang ating mga mahal sa buhay at ang ating bansa.

Tayo naman, ipapakilala ko lang nang maikli, humarap din tayo sa mga krisis bilang lider sa ating bansa. Naalala ko noong ako’y tinalaga bilang Food Security Secretary ni Pangulong Noynoy Aquino noong 2014 hanggang 2015, patong-patong na krisis ang hinarap natin doon. Napakataas ng presyo ng bigas. Krisis, 15% inflation. Pumasok tayo, kumilos tayo. Pinakilos natin ang NFA, pinakilos natin ang NBI, hinabol [inaudible 04:29] ang mga smuggler, hinabol natin ang mga hoarder, pinagkakasuhan natin ang ilang mga trader, sinuspinde ang kanilang mga lisensya, at tiniyak na maayos ang importasyon ng bigas na walang tongpats.

At ang katunayan, sa history ng NFA, we were the first NFA Council Chairman to reject ‘yung mga bidding, ‘yung mga importation, dahil masyadong mataas ang presyo. At dahil dito, hindi natin tinanggap ‘yung mataas na presyo. Sila mismo ang nagbaba ng presyo, ang Thailand at Vietnam, at nakatipid tayo ng six billion pesos sa isang taon lamang.

[05:09]

Dito naman sa Philippine Coconut Authority, krisis din ang hinarap natin. ‘Yung CocoLisap infestation, dalawampung– dalawang milyong puno ang talagang apektado sa apat na probinsya sa isang lala– sa isang rehiyon. Pinakilos natin ang akademiya, pinakilos natin ang UP Los Baños, pinakilos natin ang LGU, ang DILG, ang PNP, at ang mga magsasaka mismo. At sa loob ng anim na buwan, nasugpo ang CocoLisap. Sabi ko nga noon, naalala ko tuloy ang COVID, ‘yang insektong ‘yan, hindi nag-iisip ‘yan. Tayong mga tao, nag-iisip tayo. Kaya natin talunin itong insektong ito basta ayusin ang ating pagkilos, at nagawa natin. At ganoon din ‘yung krisis sa National Irrigation Administration. Nag-aaway ang management at rank-and-file. Leadership crisis. Ito rin ay natugunan natin.

So, kahit paano, ‘yun din ang hinihiling natin sa inyo bilang supporters dahil marami ang fake news na kumakalat ngayon tungkol sa atin, tungkol kay Vice President Leni. Ako’y naniniwala, kayo ang magiging tinig ng katotohanan. Kayo ang magiging kinatawan ng katotohanan sa ating mga kababayan. At naniniwala ako, the truth will resonate while the spin and the lies will fall flat. Sabi ko nga, pagka nakaharap na– nagharap na ang katotohanan at kasinungalingan, guguho ang kasinungalihan– kasinungalingan pagka tinapatan siya ng katotohanan.

At ‘yan ang gagawin natin sa loob ng tatlo at kalahating buwan. Ipakalat natin ang katotohanan tungkol kay Vice President Leni. Hindi totoong siya ay mahina, alam natin ‘yan. Hindi totoong wala siyang nagawa, alam natin ‘yan. Marami pa tayong makukumbinsi.

In parting, sabi nga nila, kinakailangan may discernment, kailangan may dialogue, kailangan may conversation dahil ‘pag merong conversation sa ating mga botante, doon magkakaroon ng discernment. At doon sa discernment at pagninilay, doon magkakaroon ng maayos na desisyon. Walang mangyayari sa away, walang mangyayaring discernment sa pang-iinsulto, walang mangyayaring discernment sa mga mura. Kinakailangan nating makipag-usap, makipag-ugnayan, at doon mangyayari ang conversion.

Bakit? Bakit si Vice President Leni nag-one percent– from 1% naging 37%? Dahil sa kasuluk-sulukan ng buong bansa, pinuntahan niya lahat. Kinausap niya, at doon nagkaroon ng conversion dahil doon nagkaroon ng discernment. ‘Yan ang hamon sa atin.

At ako’y nagpapasalamat sa inyo. Kayo ang nagbibigay ng inspirasyon sa amin. Kayo ang nagbibigay ng tapang at lakas para tuluy-tuloy nating ilalaban itong laban para sa ating mga anak at para sa ating bansa. Magandang hapon sa kanilang lahat. Maraming, maraming salamat.

MAYBELYN DELA CRUZ: Maraming, maraming salamat po, Sen. Kiko, sa inyong very inspiring words. Makakaasa po kayo kami lahat dito ngayon ay hindi po kami bibitaw hanggang dulo ‘yan, magkakasama po tayo. At sisiguraduhin po namin sa inyo na mas marami pang titindig na kasama natin. Muli, maraming salamat, Sen. Kiko.

At ngayon naman po, para pormal na ipakilala ang nag-iisang VP Leni Robredo, mula po sa FEU Student Council at miyembro, naririto po si Arnold Kristoff Luzon.

KRISTOFF LUZON: Isang mapagpalayang araw po sa lahat. Alam niyo po sa panahon ngayon, isa sa mga sinisigaw ng kabataan ay ang ligtas na balik-eskwela. Balik-eskwela na may sistemang para sa lahat ng antas ng lipunan, balik-eskwela na may aktwal na karunungan at kung saan natatamasa ang karapatang pang-akademiko at demokratiko bilang isang mag-aaral.

Bukod pa riyan, hangad din namin ang isang pamahalaang marunong rumespeto at makinig sa mga kritikal at makabayang pag-iisip namin. Bilang indibidwal na namumulat sa mga realidad ng buhay, sawang-sawa at pagod na pagod na po kami sa isang administrasyong walang habas na nire-red tag o kinikitilan ng buhay ang sinumang nagpapakita ng pagtutol sa [inaudible 09:59 to 10:01].

[10:02]

Bilang isang lider-estudyante at aktibong miyembro ng sektor ng kabataan, mahalaga po sa amin ang magkaroon ng pinuno na kinakatawan ang parehong prinsipyo at mithiing aming pinaniniwalaan, mga prinsipyong nakahanay sa isang mas progresibo at inklusibong bukas. ‘Yung kinabukasan na iiwanan ang mga masasamang nakagawian, kinabukasan na walang tinitignang kulay, sekswalidad, o antas ng pamumuhay, at kinabukasan kung saan lahat aangat, kahit mga nasa laylayan.

Sabi nga po nila, a good leader brings out the best in everyone. Sa katunayan, ang mga programa niya nga po ang aming sinusundan bilang inspirasyon at pattern kung paano po pinagsisilbihan ng aming konseho ang bawat estudyante. Ang taong ipakikilala ko po sa inyo ang pinunong nagpamalas ng gobyernong tapat at mahusay sa kabila ng lahat ng limitasyon at panggigipit.

Kaya naman po, oras na para kulayan ng rosas ang buong Pilipinas. Oras na para ipalaganap ang mindset na mas radikal ang magmahal. At panahon na upang magluklok ng isang Pangulong may pinag-aralan, may malinis at kahanga-hangang track record, at may komprehensibong plano para sa bayan. Mga kakampink at mga kababayan kong hangad ang gobyernong tapat, angat-buhay lahat, it is my great honor to introduce the next President of the Republic of the Philippines: Vice President Maria Leonor Gerona Robredo.

VP LENI: Yan, maraming salamat. Maraming salamat, magandang hapon sa inyong lahat. Maraming salamat sa very generous introduction. Bago lang ako magpatuloy, gusto kong bigyan ng paggalang ‘yung mga kasama natin. Syempre, ‘yung aking partner, ang ating susunod na Vice President, Senator Kiko Pangilinan. Sen. Kiko, good afternoon.

‘Yung atin pong mga local officials na kasama ngayon. Nandito po si Mayor Jaime Fresnedi ng Muntinlupa. Nandito si Mayor Lenlen Oreta ng Malabon. Nandito si former Congresswoman Sandy Ocampo, hi, Cong. Sandy. Magkasama po kami sa 16th Congress ng Manila. Nandito din po si former Congressman– sandali, nawawala ‘yung aking listahan– Magtanggol Gunigundo ng Valenzuela. Nandito po si Councilor [inaudible 12:53 to 12:58] Nandito si Councilor Arlene Hilapon ng Muntinlupa, Councilor Allan Cami– Camilo ng Muntinlupa. Nandito din po si Dr. Jose Emmanuel Carlos, former Mayor and Congressman of Valenzuela City, maraming salamat po.

Si Bishop Samuel Gonzales, kasama din po natin ngayong hapon, Councilor Louie Arciaga ng Muntinlupa, Councilor Ting Miefes, also of Muntinlupa, saka Councilor Mamerto Sevilla ng Muntinlupa. Binabati ko din po ‘yung lahat ng ating mga municipal coordinators– city and municipal coordinators, saka district coordinators. Binabati ko ‘yung ating mga punong barangay, saka ‘yung ating mga barangay councilors na kasama po ngayong hapon. Binabati ko po ‘yung iba’t ibang mga grupo na kasama natin sa Robredo’s People Council na kasama din natin ngayon hapon. Sa inyo pong lahat, magandang, magandang hapon.

Ayun. Nasa Bicol po ako ngayon, dahil po mero– kasalukuyan po tayong merong Vaccine Express dito po sa bayan ng Magarao. Nakatanggap po kami ng request galing sa LGU para mag-conduct ng Vaccine Express dito. So, bale, ilang– parang pangatlong week na ito na sobra ‘yung hectic ng schedule ng Office of the Vice President pagdating po sa COVID response dahil– dahil sa surge.

Siguro konting background lang, meron po tayo ngayong ongoing na tatlo– meron tayong ongoing na tatlong initiatives na kabahagi ng COVID response. ‘Yung pinaka-una po ‘yung Vaccine Express na sinabi ko sa inyo. ‘Yung pangalawa ‘yung Swab Cab. Noong Monday po ay nasa Antipolo tayo. Noong Tuesday ay nasa– kahapon, nasa Makati po tayo.

[15:10]

Noong nakaraang two weeks ay iba’t ibang mga distrito sa Quezon City, nandoon din tayo. Tapos ‘yung Bayanihan E-Konsulta po natin, tuluy-tuloy po ‘yon. Nag-start tayo during the Delta surge noong April– April 7 yata of 2021. Hindi po tayo huminto, tuluy-tuloy ‘yon. Siguro po kung may mga kasama tayo dito sa Zoom– Zoom meeting na ito na sumusubok na makapasok, humihingi po kami ng paumanhin dahil ang– ang dagsa po ng pasyente ngayon, grabe.

Naglagay po kami ng cap na 400 patients a day. Noong una po, nafill-up namin– 'yung first day namin, nafill-up namin after three and a half hours, pero the past three or four days, hindi pa po ten minutes nagsasara na. Hindi pa ten minutes meron na kaming four hundred– four hundred patients. So, humihingi po kami ng paumanhin. Puwede po kayong mag-contact to anyone of us pero– ‘pag hindi po kayo naka– nakakapasok. Mina-manage po kasi natin kasi manipis po 'yung tao natin ngayon dahil ang dami ding may sakit. As of now meron po tayong 1000 plus volunteer doctors, 3000 plus na non-medical volunteers na gumagawa ng– ano ‘to, ng call-bridging, pero hindi pa din po kinakaya. So, pag dumami po ito, pag marami nang gumaling, makakadagdag po tayong cap everyday, pero as of now po mina-manage natin na 400 a day muna kasi 'yun 'yung kaya ng number of volunteers natin i-serve everyday.

So, ano po 'yung nangyayari pag tumatawag po COVID patient pinapadalhan po natin ng COVID Care Kit. 'Yung mga nakatanggap po ng COVID Care Kit automatically enrolled na po sila sa ating monitoring program. Hindi po ito padala lang ng kit, pero minomonitor po sila on a daily basis, 'yung kanilang symptoms dahil ‘pag may nakita tayong red flags nili-link po natin sa mga doktor para makausap sila, and kung kailangan ng hospitalization meron na po tayong ambulansya ngayon na who takes care of that.

Doon po sa mga may pangangailangan ding medically, meron po tayong existing na medical assistance program. So, kinukuha ko lang 'yung opportunity na ‘to para sabihin sa inyo 'yung ongoing programs para po just in case makatulong, kahit hindi sa inyo, pero sa mga kasamahan niyo sa kaniya-kaniya niyong mga organisasyon o kaniya-kaniya niyong LGU, puwede lang pong pasabi sa amin.

'Yung Swab Cab po saka 'yung Vaccine Express, nagre-respond po kami sa mga requests from– from communities saka mga LGUs. ‘Pag meron pong request na kaya naman po naming gawin, ginagawa po natin. So– so, ito po, sisimulan ko siguro– 'yun 'yung– ano lang 'yun, patalastas tungkol sa programs natin, pero sisimulan ko siguro 'yung aking mensahe sa pagpapasalamat sa inyong lahat.

Una, maraming salamat sa pagtataya. Alam ko po na hindi madaling tumaya ngayon, lalo sa amin dahil nasa oposisyon kami. Pero andito pa din kayo, nagdesisyon na lakasan 'yung loob para sa paniniwala. Kaya maraming, maraming salamat. Saludo po kaming lahat sa inyo.

'Yung pangalawa, salamat din dahil kahit po mahirap, ang dami sa inyong gumagawa ng iba't-ibang initiatives para lang ipakilala tayo, para– bilang suporta sa ating kampanya. Napakalaking tulong po nito sa atin, lalo pa kasi marami tayong mga limitasyon. Limitasyon sa– limitasyon sa resources, limitasyon sa oras, lalo po ngayong nag-surge saka nag-typhoon Odette, nagulo po talaga 'yung schedules natin noong December and January.

Dapat po sana sa panahon na ‘to, nagdo-double time na tayo sa pagbisita sa mga communities, pero dahil may surge syempre uunahin natin 'yung kaligtasan ng lahat. So, ngayon po napakalaking bagay na andito kayo, hindi lang po sa Zoom na ‘to, pero 'yung mga hindi po namin mapupuntahan dahil sa impossibility mag-conduct ng mga events ngayon, kayo 'yung pumupuno noon, kaya maraming, maraming salamat.

Alam ko po marami sa inyo nagpapalugaw. Marami sa inyo 'yung nagkakaroon ng parang conversations sa community. Merong mga– merong libreng pagupit, libreng sakay, merong mga manicure, pedicure. 'Yung mga lawyers po natin nagkakaroon ng legal clinics. 'Yung mga doktor natin nagkakaroon ng mga medical mission. Iba-iba pong mga initiatives ay ang dami niyong ginagawa.

[20:10]

Ako po, 'yung paniniwala ko hindi lang ito para magsuportang simple sa isang kandidato, pero ito naiintindihan niyo kung gaano kahalaga itong 2022 elections para sa ating lahat at para sa ating bansa. Gaya ni– ng sabi ni Mayor Sandy kanina, napakalaki ng nakataya ngayong eleksyon ng 2022 kasi ito 'yung magsasabi kung anong direksyon ang tatahakin ng ating bayan. ‘Pag sinabi kung anong direksyon 'yung hahatakin, ‘pag tiningnan po natin 'yung ino-offer namin, ang ino-offer po namin, hindi lang 'yung sari-sarili naming karakter, pero 'yung in-ooffer namin ano 'yung paniniwala namin na dapat ang pamahalaan maging para sa kaniyang mga constituents.

'Yung paniniwala po 'yun, pinakita namin, unang-una, noong ako ay member of Congress, pangalawa noong– ngayon po na ako ay Vice President. Paniniwala na makakapagsilbi lang tayo nang maayos ‘pag ang ating pamamahala ay tapat. At ‘pag sinabi po nating tapat, kinakailangan po kaming mga namumuno at nagsisilbi, kailangang ipakita namin na kami’y matino, kami’y mahusay, at kami’y may puso. Ito po 'yung– ‘yung parang ingredients ng isang matapat na pamamahala. At sinasabi po natin na sa– sa gobyernong tapat, doon lang aangat 'yung buhay sa lahat kasi nakikita po natin.

Halimbawa po sa opisina namin ngayon, marami po 'yung nagsasabi na “Bakit kayo, kakaunti 'yung budget niyo, kaya niyong gawin itong mga ito?” Kaya po naming gawin dahil sa maraming dahilan. 'Yung una, nagagamit namin ng tama 'yung kakarampot naming pera. Gustong sabihin, kaya po tayo nakakapagbigay ng maaayos na COVID Care Kits kasi wala– wala sa’ming pera napupunta sa korapsyon. 'Yung pinaka– 'yung bawat sentimo ng budget namin, sinisiguro namin na mapupunta 'yun sa serbisyo para sa taumbayan.

Pangalawa, ‘pag matapat 'yung pamamahala, 'yung private sector mas inspired, mas ganadong tumulong kaya po nagagawa natin 'yung ang dami nating mga initiatives in collaboration with the private sector. Alam po namin noong kami ay umupo pa lang noong 2016, na napakalimitado ng aming mandato, napakalimitado noong aming budget na 'yung– kung aasahan po namin 'yung aming limitadong budget, halos wala kaming magagawa.

Naiintidihan po namin na makakahingi lang kaming tulong sa private sector ‘pag inayos namin 'yung aming trabaho, and ‘pag sinabi ko pong inayos, hindi lang 'yung husay, pero 'yung katiwa-tiwala kami. Kaya noong umupo po kami, siniguro po namin ISO certified na ang OVP, maasikaso namin 'yun. So, from 2017 until now, every year, nare-recertify po kami. Gusto kong sabihin, 'yung mga proseso sa amin maaayos, 'yung serbisyong naibibigay namin ay at par with international standards.

Nabalitaan niyo naman po siguro na for the third consecutive year, nabibigyan po kami ng highest COA audit rating. Ito po 'yung in qualified opinion ng COA na napakahirap makuha, pero inasikaso po namin na mag-qualify kami doon dahil 'yun 'yung pinakaresibo na malinis, malinis 'yung paggastos namin ng pera ng taumbayan. Kaya po ‘pag– ‘pag sinabi kong ang ino-offer ko ay gobyernong tapat, may resibo na po ako noon. Hindi po ito– hindi po ito pangako, pero ito ay commitment na ipagpapatuloy 'yung dati nang nasimulan.

Alam niyo po ‘pag panahon kasi ng eleksyon, lagi ko po itong inuulit-ulit, kasi ‘pag panahon ng eleksyon, panahon ng ligawan. Alam po natin na ‘pag tayo ang nanliligaw, 'yung ating best foot forward 'yung ating ipapakita at ating gagawin. Alam natin na ‘pag tayo ay nanliligaw, 'yung gustong marinig ng nililigawan natin, 'yun 'yung may tendency tayong gawin.

Pero sa’kin, halimbawa, ‘pag sinabi natin na ‘pag ako ay naging Pangulo, aayusin ko 'yung trabaho ko, ano 'yung resibo ko doon? Syempre 'yung resibo ko doon, ano 'yung ginawa ko noong nabigyan akong pagkakataong manilbihan? Pangalawa, ‘pag sinabi ko na mahal ko 'yung– mahal ko 'yung mahihirap, ano 'yung aking resibo? Alam niyo po ‘pag– ‘pag panahon ng kampanya gaya ngayon, noong nag-typhoon Odette, ang daming ginagawa ng iba't-ibang mga kandidato. Pero 'yung tanong ko: 'Yung mga nakalipas bang bagyo, asan kayo? Noong mga nakalipas bang sakuna, asan kayo?

[25:07]

Ang sa akin po, 'yung puso napapakita hindi sa sinasabi, pero 'yung nag– 'yung puso pinapakita hindi 'yung ginagawa lang ngayon dahil kandidato kami, pero 'yung consistency ng aming ginagawa. May posisyon kami o wala kaming posisyon, ano ba 'yung ginagawa namin para makatulong sa taumbayan? Maliit man 'yung posisyon o mataas 'yung posisyon, ano ba 'yung ginagawa namin? So, 'yun po 'yung consistency. ‘Pag sinabing consistency, ano man ang panahon, kandidato ka man o hindi, may eleksyon man o wala, pareho 'yung ipinapakita mo ng klase ng paninilbihan dahil 'yun ang nasa puso mo.

Marami po tayong kahirapan ngayong eleksyon. Alam niyo po na ito 'yung age of social media, and dahil ito 'yung age of social media, naaabuso. Naaabuso 'yung social media. Maraming fake accounts. Marami kayong mababasa na hindi natin alam kung ano 'yung totoo, ano 'yung kasinungalingan. Alam niyo po, nababasa niyo, nakikita niyo sa inyong social media accounts na sobrang dami ng fake news. Sobrang dami ng disinformation. Sobrang grabe ng propaganda. At marami po tayong mga kababayan na napapapaniwala ng misinformation na 'yan.

Meron po akong isang pakiusap. ‘Pag nakakabasa tayo ng fake news, naiinis tayo, ‘di ba, lalo na ‘pag alam natin kung ano 'yung totoo. Pero 'yung akin lang pong pakiusap: Huwag nating pairalin 'yung pikon natin, huwag nating pairalin 'yung galit natin, at subukan nating intindihin. Huwag nating aawayin, huwag nating aawayin 'yung naniniwala doon kasi baka hindi niya kasalanan.

Meaning to say, ang iba kasi ang source of information niya masyadong limited. Napapapaniwala siya, ano ba 'yung mga propaganda ngayon, na wala tayong ginawa? Syempre, hindi totoo 'yun. Na bobo tayo? Ako po, my record speaks for itself na– ano pa ba? Ang dami sa’ting sinasabi pero– pero 'yung para sa’kin, instead na aawayin natin 'yung naniniwala, tiyagaan po natin. Tiyagaan po natin na subukan natin na magkaroon siya ng access sa information na tama dahil baka sakali, baka sakaling magpalit 'yung kaniyang paniniwala.

'Yun lang po siguro 'yung gusto kong, para– parang 'yun 'yung pinakakonsepto natin na radikal magmahal. Kaya po natin sinabing radikal magmahal kasi marami talagang mababasa na nangyayari na ikinakagalit natin dahil feeling natin unfair sa’tin, feeling natin na hindi natin 'yun dine-deserve. Pero hindi po lahat ng kababayan natin merong opportunity ng makapag-discern dahil limitado 'yung pinanggagalingan ng impormasyon.

So, para sa kin, napakahalaga noong next four months. Four months na lang– less than four months before the elections. Meron po tayong less than four months to reach out, to reach out sa ating mga kasama. 'Yung pagpapalakas ng hanay natin ay parang na-achieve na rin naman natin 'yun in the first two months after the announcement.

‘Pag sinabing nagpapalakas, nakita naman natin lahat tayo dito nag self-organize, ‘di ba, nag self-organize. Kaya po tayo nagkaroon ng Team Leni Robredo, kaya tayo nagkaroon ng Robredo’s People– People's Council kasi ito 'yung umbrella na gusto natin na 'yung iba't-ibang mga nag self-organize ay i-federate natin into one, at ito na 'yun. At ito 'yung gawi– gusto nating gawing vehicle, na ‘pag tayo ay pinalad sa eleksyon, ito 'yung magiging vehicle natin to transform.

Pero 'yung sa kin lang po, 'yung challenge ko lang to everyone, totoong– totoong hindi madali 'yung hinaharap natin na results ng disinformation saka propaganda sa– sa ano to, sa social media, pero tayo po ay lumabas sa ating mga circles, lumabas sa ating mga networks para po para kahit papaano ay mapakinggan tayo nung mga tao na limitado 'yung pagkakaalam.

So, ito po 'yung next four months magiging busy tayo lahat. Magiging busy po tayo lahat. Kausapin natin hindi lang 'yung mga kasama na natin, pero bawat isa sa atin na nandito mag-target po tayo ng mga kakilala natin na hindi pa sa atin kumbinsido. Bigyan lang natin, bigyan lang natin pagkakataon na maipahayag sa kanila 'yung katotohanan. Ang laban pong ito ay hindi lang laban namin ni Senator Kiko pero ang laban pong ito ay laban para sa– para sa future ng ating mga anak at apo at ng ating bansa.

[30:21]

So, ako po, I am so excited to fight alongside all of you. Ilang beses po namin itong inulit ni Senator Kiko na what is happening now is a people's movement, not a conventional campaign. Halos po lahat na efforts ay nanggagaling sa inyo. Actually, kami– kami 'yung sumusunod sa kumpas niyo kasi lahat grabe talaga 'yung vigor. Ito po karamihan sa inyo dito NCR, pero every time pong bumababa kami sa mga probinsya, halos wala na kaming inaasikaso kasi sila na lahat. 'Yung mga caravan, 'yung mga iba't-ibang mga meetings, kung anu-anong activities, sila lahat. Baliktad po ito ng lahat ng eleksyon na pinagdaanan namin. And ito 'yung nagbibigay sa atin ng strength.

Ewan ko po kung nakikita ninyo sa social media.‘Yung– ‘yung ibang mga surveys, medyo kulelat pa tayo. Number two na tayo, which is a feat kasi noong– noong 2016 po ay talagang nag-umpisa ako sa pang-anim. Pero marami pa tayong ihahabol.

Pero ‘pag nakita niyo po ‘yung mga mock elections ngayon sa mga iba’t-ibang mga paaralan, mga college students ang nagsasagot, ang tataas po ng nakukuha natin. Bakit ganoon? Bakit ganoon? Kasi may access to correct information.

So– so, ‘yung sa’kin lang, siguro ‘yung mga estudyanteng nandito, baka, let us go out of our way para kumbinsihin ‘yung ating mga magulang, kumbisihin ‘yung mga kakilala natin na limitado ‘yung information kasi tayo ‘yung mas may privilege doon sa tamang im– impormasyon. Huwag na po tayong gumaya sa mga hindi magandang ginagawa nung kabila.

Hindi po tayo kailangang gumaya sa mga tradisyonal na nakasanayan. Libreng-libre tayo to chart our own course basta doon lang tayo sa tama, para po, lagi naman nating sinasabi na sa dulo naman ng lahat, kahit gaano kahirap ang laban, sa dulo ng lahat, laging– laging ‘yung kabutihan lang ‘yung mananaig.

So, in the days to come patigasan po ito ng sikmura kasi marami tayong masamang maririnig laban sa’tin. Pero, basta alam po natin na tama lang ‘yung ating pinaglalaban, walang dahilan para humina ‘yung ating kalooban.

So, maraming, maraming salamat sa inyo. Sana matapos na ‘yung surge para personal na tayong magkaharap-harap. Pero habang hindi pa, ‘yung atin pong efforts ay virtual muna. So, see you all very, very soon. Thank you, Judy. Thank you, Councilor Maybelyn for hosting this– this afternoon’s event.

MAYBELYN DELA CRUZ: Thank you very much, VP Leni. Totoo po talaga. Nakakatuwa po ‘yung pakiramdam na maraming tumitindig na kasama po natin. Makakaasa po kayo, magkakasama po talaga tayo, at hinding-hindi po namin kayo iiwan. At tulad po ng panawagan ninyo, ginagawa na po naming lahat ‘yan. Iniisa-isa po namin ‘yung lahat ng kakilala natin para po maipakilala ang tunay na kinakailangan para sa ating bansa, at kayo po ‘yun, Ma’am VP.

Ma’am, alam po namin sobrang busy po ninyo, sobrang hectic ng schedule po ninyo, pero maglalambing po kami. We have two people po from Robredo People’s Council right now who would like to ask you some questions. Mabilis lang po, promise, VP Leni. Sana mapagbigyan po ninyo.

Kasama po natin ngayon, mula sa Culiat, Quezon City, narito po si Ms. Nurharnina Abdul. From the Muslim community po sila, VP Leni.

NURHANINA ABDUL: [Islam greeting 34:17- 34:20], para po sa mga kapatid ko po sa Islam at isang mapagpalang araw po sa atin pong lahat. Ako po si Nurhanina Abdul, isa pong youth advocate ng World Defenders - Culiat, at isa din pong youth leader sa aming Muslim community na Salam Community Youth Affairs, na isa pong manggagawa dito sa Brgy. Culiat, na isang CCTV operator at isa din pong estudyante. At ang aking ama po ay isa rin po sa mga nawalan po ng trabaho nito pong pandemya dahil po sa kaniyang edad.

At ito po ang aking tanong: Bilang babae at batang manggagawa ay nakakaranas po kami ng diskriminasyon. Pangarap po namin ang isang lipunan na may pagkilala po sa aming pananampalataya o relihiyon, at meron pong pagrespeto sa kababaihan, at magkaroon po ng– wala po sanang nakakaranas ng karahasan, at magkaroon po ng oportunidad po sa trabaho ano man po ang edad, at magkaroon po ng mababang presyo sa bilihin at ang kalidad ng edukasyon. Maaasahan po ba namin ang inyong konkretong programa para po sa amin?

[35:29]

MAYBELYN DELA CRUZ: VP Leni, maraming salamat at isasabay na po namin ang katanungan ng isa po sa’tin pong mga kasama ngayon na napili din po ng RPC NCR. Tinatawagan po namin si kasamang Hernan Espiritu or si [Nio 35:41], mula po sa hanay ng atin pong people with disabilities. At ito po ang kan– siya po ay galing ng Taguig. Ito– ito ang kaniyang katanungan. Go ahead, [Nio 35:50].

HERNAN ESPIRITU: Magandang hapon po, Madam Vice President and soon-to-be President ng Republika ng Pilipinas. Ako po si Hernan Espiritu, presidente ng Person with Disability dito sa Brgy. Santa Ana, Taguig City.

Ang akin pong katanungan ay para sa– ay– una po, may konkretong plano po ba kayo para sa aming mga taong may kapansanan sa gitna ng pandemya patungkol sa usapin ng kalusugan at edukasyon?

MAYBELYN DELA CRUZ: Ma’am VP, I think those are the two questions po from our representatives from NCR.

VP LENI: Ayan. Maraming salamat kay Nurhana saka kay Hernan ba? Herman? Hernan?

MAYBELYN DELA CRUZ: Yes, yes po, Hernan po.

VP LENI: Bago ako siguro pumunta doon sa specific, ‘yung mga nakatrabaho ko na na alam na ang pinakamalaking advocacy natin, which cuts across all sectors, is maglagay ng mechanism–‘pag sinabi nating maglagay, dapat itong isabatas–maglagay ng mechanism para ‘yung lahat ng mga sektor kagaya ng women, kagaya ng PWD, lahat ng marginalized ay nabibigyan ng pagkakataon– nabibigyan ng malakas na boses sa paggawa ng mga proyekto saka polisiya ng pamahalaan.

Noong ako ay miyembro ng 16th Congress, naghain ako ng panukalang batas, ang pangalan nito ay Empowerment Bill na naglalayon sana na isabatas, ‘yung gawing mandatory ‘yung pagkakaroon ng mga People’s Councils sa lahat ng antas na pamamahala, mula sa local government units hanggang sa lahat na ahensiya at departamento ng pamahalaan.

Ano ‘yung mga People’s Councils? Parang ginagawa natin ngayon. ‘Yung modelo nito ay dito sa Naga, sa amin, na sa local government unit, merong institutionalized na People’s Council, kung saan may representatives ‘yung iba’t-ibang sektor na umuupo sa lahat ng committees. ‘Pag sinabi kong lahat, talagang lahat–executive saka legislative–lahat ng committees ng local government unit.

Ano ‘yung sadya? Na hindi magiging beneficiary lang ‘yung mga sektor, kundi kabahagi talaga sila. Kaya dito sa amin ang tawag, “kaantabay sa kauswagan”. Ang gustong sabihin noon, in English, parang “partners in development”.

So, ang mga– ang mga sektor, hindi siya tinatrato na beneficiary ng programa, pero tinatrato siya na kabahagi, partner ng programa. Ano ‘yung kaibahan? Malaki ‘yung kaibahan. Kasi ‘pag tinatrato kang beneficiary, ‘yung pagbababa ng mga programa galing sa taas papunta sa baba, from top-down, delikado ito, at ito ‘yung mas tradisyonal na sinusunod.

Bakit siya delikado? Ang nagdedesisyon hindi naman ‘yung mga miyembro ng sektor, pero ‘yung nagdedesisyon, kami, kami na mga public officials, na lalo na ‘pag hindi kami bumababa sa mga sektor, wala namang– ‘yung– ‘yung tinatawag natin na empathy, kulang ‘yun. And ‘pag nagbababa kami ng programa na hindi naman namin nararamdaman ‘yung pinagdadaanan ng mga sektor, kadalasan ‘yung mga programang binababa namin, hindi siya responsive sa pinakakinakailangan.

So, ‘yung sa’tin, ‘yun ‘yung overarching principle, na sisiguraduhin natin na kayo may boses from start to finish. Halimbawa, ‘yung– ‘yung tinatanong mo, Hernan, sa PWD, ano ‘yung nangyayari ngayon? Nangyayari ngayon, bawat, halimbawa, local government unit, gagawa siya ng programa, ibababa niya sa PWD. Pero maraming mga pangangailan ‘yung sektor na hindi naman talaga natutugunan.

[40:10]

And number one dito, accessibility, ‘di ba. Accessibility na makapag-perform kayo ng mga tasks as if wala kayong kapansanan. ‘Di ba ‘yun naman ‘yung gusto natin na hindi naman tayo naghihintay lang ng grasya, pero ang pinakagusto naman ng PWD, sana walang diskriminasyon sa amin sa trabaho. Parang ‘yung sina– parang ‘yung sinabi din ni Nurhana, na sana hindi tinitingnan ‘yung paniniwala natin, ang relihiyon natin, o ‘yung gender natin para hindi tayo madiscriminate upon sa trabaho.

Pareho ‘yan sa PWD na kahit pa may kapansanan kami, nabigyan kami ng pagkakataon na– opportunity na maka-act– maka-act, just like any other normal person. Papano ‘yun mangyayari? Kung ‘yung gobyerno, may mga programa siya para sa– para sa lahat ng kapansanan. And– and sa– sa akin, ‘yun ‘yung number one, to make sure na empowered, para kung anong pangangailangan ninyo, every step of the way, hindi na kayo kailangang humingi kasi pagplano kasama na kayo. Pag– paglabas ng budget kasama na kayo.

Ano ‘yung nangyayari ngayon? Dahil binababa na lang ‘yung proyekto, maraming mga gaps ang hindi na natutugunan. So, ang nangyayari, ‘pag nakaupo na ‘yung mga nakaupo, tapos walang– halimbawa, walang budget para sa ganito, ‘yung– ‘yung sektor pupunta sa mayor o pupunta sa congressman, pupunta sa governor, hihingi. ‘Pag pinagbigyan siya, may utang na loob ako sa kanila kasi pinagbigyan kami. Dapat hindi ganoon eh kasi ‘yun ‘yung nagbi-breed ng patronage, ‘di ba. Pero kung meron na sana kayong participation every step of the way, hindi na kayo kailangang humingi kasi ‘yung kinakailangan niyo, tinugunan na step one pa lang. So– so ‘yun ‘yung ating– ‘yun ‘yung ating pinaka– parang overarching principle, na kabahagi na kayo pag-conceptualize pa lang ng mga programa.

Pinakamahalaga accessibility. Pangalawa, mahalaga ‘yung opportunity. ‘Yung tinatanong mo, Nurhana, marami pa tayong kailangang ihakbang. Marami pang kailangan ihakbang pagdating sa diskriminasyon. Babae din ako. Alam ko na mas marami ‘yung opportunities ko compared to others, pero nararamdaman ko pa din na dahil babae ako, ang pagtingin sa’kin mahina, na dahil babae ako kailangan ko mag-double time para ang ibigay sa’kin na paniniwala ay maging kapareho sa paniniwala na binibigay sa lalaki.

So, may mga trabaho o kadal– karamihan sa mga trabaho ay kailangan mo i-prove ‘yung sarili mo na tw– twice as much dahil ‘yung pagtingin sa atin na mga babae ay mas– mas mahinang klase, and kailangan natin itong ma-correct. Kailangan natin itong ma-correct kasi, ewan ko lang kung nabuksan niyo na ‘yung lenirobredo.com na website. Meron tayong website na lenirobredo.com, nan– nandoon ‘yung ating mga programa kontra diskriminasyon.

Pero kabahagi– namention mo, Nurhana, ‘yung sa tatay mo, na isa siya sa mga nawalan ng hanapbuhay during the pandemic Meron po tayong programa patungkol dito. Merong short term, merong long term.

Ano ‘yung short term? Sabi natin, kailangan magbigay ng wage subsidies, o kailangan magkaroon na tayo ng unemployment insurance para ‘pag dumadating ‘yung mga sitwasyon na nawawalan tayo ng trabaho na hindi natin kasalanan, meron tayong insurance na ‘yun ‘yung makakatawid gutom para sa atin. ‘Yun ‘yung number one.

‘Yung– ‘yung number two, na ito ‘yung mas– ito ‘yung– short term pala muna. Meron pa kong nakalimutan na isa: ang pagtulong sa mga maliliit na negosyo.

‘Yung pagtulong sa MSMEs, napakalaking tulong noon para sa employment dahil ang datos pinapakita na more than 90% ng mga negosyo dito sa Pilipinas ay mga MSMEs, at napakarami sa kanila ‘yung nagsara during the pandemic. So, ang dapat sanang gawin, may programa ‘yung gobyerno para matulungan itong mga maliliit na negosyo na hindi sila magsara.

‘Yung aking proposal dito ay magla– magbigay ng conditional stimulus grants. Ano ‘yung conditional stimulus grants? Bibigyan sila ng financial grants on the condition na hindi sila magtatanggal ng mga empleyado. Kasi kung hindi natin ‘to gawin, marami talagang mawawalan ng trabaho, at maraming nawalan ng trabaho.

‘Yung pangalawa, doon sa mga MSMEs na kaya namang umutang, bigyan sila ng access sa kapital na low interest-bearing para the more na bukas ‘yung mga negosyo, mas makakabuti din sa employment.

[45:10]

At ito, ‘yung pangatlo, ‘yung detalye nito nasa lenirobredo.com, pero susubukan ko lang with the limited time given to me. ‘Yung pangatlo, kailangan talagang ayusin natin ‘yung gobyerno. ‘Pag sinabi nating ayusin natin ‘yung gobyerno, kailangan tumiwala sa atin ‘yung mga investors. Kasi papasok lang ‘yung investments– papasok lang ‘yung– magkakaroon lang ng maraming trabaho kung pumasok ‘yung investments.

Hindi papasok ‘yung investments kung wala silang tiwala sa atin. Marami na tayong mga negosyong nag-alisan dito at pumunta sa ibang lugar. Kailangan mag-create tayo ng business climate na naniniwala silang protektado sila dito, na naniniwala silang walang favoritism, na merong level playing field, na ‘yung mga regulasyon natin sa kontrata ay consistent, hindi ‘yung nagche-change ‘yung rules in the middle of the game. Kailangan nating ipakita na katiwa-tiwala ‘yung gobyerno para ‘yung investments pumasok. ‘Pag maraming pumasok na investments, marami ‘yung trabaho.

So, ang detalye po nito ay nasa lenirobredo.com. Meron po doong dalawang– dalawa na yata ‘yung nai-upload natin na programa na– na ito po ‘yung mahabang version, ‘yung Kalayaan Kontra sa COVID, kabahagi din doon ‘yung education. And pangalawa, ‘yung Kabuhayan Para sa Lahat. So, ini-invite ko po lahat, kayo, na buksan ‘yung lenirobredo.com dahil ‘yung– ‘yung detalye po ng ating plano nandoon. Wala na kasing oras, sorry. Kulang ‘yung oras natin para i-discuss ‘yung detalye ng ating programa.

[END 46:54]