Lumaki si Leni sa Naga, Camarines Sur.
Ipinangangak si Leni noong April 23, 1965 kina Antonio Gerona Sr. at Salvacion Santo Tomas.
Si Antonio Gerona Sr. ay isang abogado at jurist o eksperto sa batas. Si Salvacion Santo Tomas naman ay isang propesora sa Ingles.
Si Leni ang panganay sa tatlong magkakapatid.
Si Leni ay nag-elementary sa Universidad de Sta. Isabel (dating Colegio de Sta. Isabel).
High School
Universidad de Sta. Isabel, Naga
Noong 1982, nagtapos si Leni ng high school sa Universidad de Sta. Isabel. Sa taon din na ito, lumipat siya sa Maynila para makapag-kolehiyo.
BA Economics
University of the Philippines, Diliman
Nagtapos si Leni mula sa UP Diliman noong 1986 na may degree sa Economics.
Bachelor of Laws
University of Nueva Caceres
Nagtapos si Leni ng abogasiya sa University of Nueva Caceres noong 1992. Pinagpatuloy niya ang kaniyang pag-aaral kahit na isang ina at guro rin siya noong mga panahong ito.
Mula 1986 hanggang 1987 nagtrabaho si Leni bilang researcher at ekonomista sa Bicol River Basin Development Program kung saan nakilala niya ang Program Director noon na si Jesse Robredo, na naging asawa niya.
Naging teacher naman siya sa Economics sa Universidad de Sta. Isabel mula 1987, habang nag-aaral ng abogasiya, hanggang makapasa ng bar exam noong 1997.
Kinasal sina Leni at Jesse noong 1987, mga ilang buwan lang matapos nila magkakilala. Alam na niya agad na si Jesse ang gusto niyang makasama sa panghabambuhay.
Biniyayaan sila ng tatlong anak na babae – sina Aika, Tricia, at Jillian.
Bago pumasok sa pulitika, nagtrabaho si Leni bilang abogado sa NGO na Sentro ng Alternatibong Lingap Panligal (SALIGAN) sa Bicol nang higit sampung taon.
Pinaglaban ni Leni ang mga dehadong indibidwal sa korte at nagbigay ng legal education para sa mga kliyente sa pamamagitan ng mga legal clinics. Nagsalin din siya ng mga mahahalagang batas sa Bicolano para mas maintindihan ng mga taga-Bicol.
Namatay si Jesse Robredo noong August 18, 2012 nang bumagsak ang maliit na eroplanong sinasakyan sa dagat bandang Masbate.
Pagkatapos ng anim na araw ng pagluluksa ng sambayanan, nagkaroon ng isang state funeral para kay Jesse Robredo. Nanilbihan siyang Secretary of Interior and Local Government sa ilalim ng administrasyong Aquino hanggang sa kaniyang pagkamatay noong 2012.
Noong 2013, nanalo si Leni Robredo bilang Representante ng Ikatlong Distrito ng Camarines Sur laban sa kandidatong mula sa isang political dynasty.
Noong termino niya sa kongreso, ginamit ni Leni ang panahon niya sa panunungkulan para makasalamuha ang mga pinaninilbihan – lalo na ang mga nasa pinakamalalayo at pinakamahihirap na komunidad.
Noong 2015, hinimok si Leni na tumakbo sa bilang Bise Presidente. Nanalo siya at nahalal na 14th Vice President of the Philippines noong June 30, 2016. Napatunayan din at napagdesisyunan ng Supreme Court na walang bahid ng anomalya ang kaniyang pagkapanalo sa puwesto.
Dahil pagiging reserba lamang at succession ang mandato ng isang bise presidente, minabuti ni Leni Robredo na gawing mas makabuluhan ang panahon niya sa panunungkulan sa pagbuo ng iba’t ibang mga programang nakatutok sa pangangailangan ng mga Pilipino.
Noong July 2016, tinanggap ni Leni ang posisyon sa gabinete na inalok ng pangulo bilang pinuno ng Housing and Urban Development Coordinating Council. Ngunit, sa kalaunan, hindi siya pinayagang dumalo sa mga pagpupulong kung kaya nagbitiw na lamang siya sa puwesto.
Inilunsad noong October 2016, hangarin ng programa na gawing magkatuwang ang publiko at pribadong sektor para tugunan ang mga pangangailangan ng mga pamilya sa mga komunidad sa pinakamalalayo at pinakamahihirap na bahagi ng Pilipinas.
Dahil walang iisang solusyon para tugunan ang kahirapan sa iba’t ibang lugar, sinusuportahan at binibigyang lakas ng OVP na kumilos ang mga mahahalagang sektor sa komunidad (tulad ng mga pamilyang naapektuhan ng sakuna, grassroot stakeholders, urban poor, kababaihan at kabataan) sa pamamagitan ng pakikipagkonsultasyon at pagbuo ng mga programang angkop sa kanila.
Determinadong ilapit ang Office of the Vice President sa mga tao, pinangunahan ni Leni ang pagbuo ng kanilang programa laban sa kahirapan, ang Angat Buhay – isang adhikaing nakatuon sa anim na key advocacy areas: Education, Food Security and Nutrition, Healthcare, Housing and Resettlement, Rural Development, at Women Empowerment.
Mga manghahabing Landap sa Barangay Dayawan, Marawi City. March 21, 2017.
Tour ng Marawi Ground Zero. November 16, 2017.
Turnover ng mga solar kit sa ilang mga residente ng Barangay Cambilia, Quinapondan. August 8, 2018.
Pagbisita kay Ka Dodoy at Kapunongan sa mga Gagmay'ng Mangingisda sa Concepcion, Kabasalan, Zamboanga Sibugay. July 26, 2019
Kahit na limitado ang mapagkukunan, ang Office of the Vice President ay naglunsad ng iba’t ibang inisiyatibo sa tulong ng mga partner at donor para punan ang mga puwang sa pangangailangan ng mga frontliner at komunidad ngayong panahon ng pandemya.